Luka 20:22 - MUKANDA USANDU WA ZAMBI 1975

²² Ngwetu, Muchilita ni shimbi hali yetu shina kuhana lijimu kuli Sesare, nyi? Shina ka?

Mukanda Wa Zambi 1970

²² Twambulwile kama, muchilita ni Shimbi jetu kulambula lijimu kuli mwanangana wa Aroma, nyi ka?”

Luka 20:22 Iomraidhean Croise

Ezra 4:13

Chatamba yenu mwanangana kunyingika ngwetu, Nyi matunga chihunda chino ni kumanununa yipanga-ya-mawe kechi kufweta milambu, chipwe lijimu, chipwe mwombo, mba ha kusula mahonesa mianangana.

Ezra 9:7

Chize ku matangwa ja tulamba hitwahia pundu ndo musono; mba ha uhenge wetu, yetu ni mianangana jetu, ni asasendote jetu, hanatukunjika ku moko ja mianangana ja yifuchi ku katana, ni ku ufunge, ni kutupupa, ni kutuhepwisa chize chapwa musono

Nehemia 5:4

Akwo yamba ngwo, Hitwatambula mbongo ja kufweta mulambu wa mwanangana, alioze minda yetu ni mitondo yetu ya uva hiyaya ngwe tombo.

Nehemia 9:37

Kuchakwima mbuto ya kulumbama kuli mianangana waze hiwasela helu lietu mumu ha milonga yetu. O kakuyula mijimba yetu, ni yimuna jetu nikulita ni upale wo mba tuli ni luyinda munji.

Mateu 17:25

Iye yamba ngwenyi, Ewa. Mba muze anjilile mu zuwo, Yesu wamupatwijile kulutwe ngwenyi, Kuchi unashinginyeka, Semone? Mianangana ja hashi kuli aya akutambula mbongo, hanji lijimu? Shina kuli ana jo, nyi? Shina kuli yilambala?

Luka 20:21

O amuhulile, ngwo, Longeshi, tunanyingika yena wakwamba, wakulongesa ni ululi, kushi katonde kuli atu, alioze wakulongesa jila ya Zambi nikulita ni umwenemwene.

Luka 20:23

Alioze wamwene kalimbalimba ko, wambile kuli ayo ngwenyi, Kuchi te nunangweseka?

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yilinga 5:37

Kulutwe lia iye kwakatukile Yundase, Ka-Ngalileya, ha matangwa a kusoneka atu, wakokele atu anji kunyima yenyi: iye nawa watokele; ni waze eswe amwononokenene amwanganyine.

A-ROMA 13:7

Hanenu kashika kuli eswe yize Chanutamba kuhana kuli ayo; milambu kuli akwa kutela milambu; lijimu kuli akwa lijimu; woma kuli waze chatamba kwavwila woma; ulemu kuli akwa kutela ulemu.

Shimbi 17:15

Chamwenemwene nukalitongwele mwanangana yoze Yehova Zambi yenu mamusakula, umwe wa kuli akwenu nulitongwele akapwe mwanangana wenu. Kandaka kanda anuyula, iye te hi mukwenu ko.