Luka 20:17 - MUKANDA USANDU WA ZAMBI 1975

¹⁷ Alioze watalile meso kuli ayo, ngwenyi, Chino chinasonewa chika? Ngwo, Liwe lize alitunyine tungi, lienalio kuliapwa liwe lia helu lia mbango.

Mukanda Wa Zambi 1970

¹⁷ Yesu yaatala nee, yahula ngwenyi: “Maliji wano a mu Mukanda wa Zambi kuchi analumbunuka? Ngwo: ‘Liwe lize alitunyine tungi hiliabwa liwe lia mu mbango, lize liakolesa zuwo.’

Luka 20:17 Iomraidhean Croise

Miaso (Masamu) 118:22

Liwe lize alitunyine tungi, hilinapu lia helu lia mbango.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Zakaria 10:4

Kuli ayo mukukakatuka liwe lia mbango; kuli ayo mukukakatuka lumbambo wa mbalaka; kuli ayo mukukakatuka uta wa jita; kuli ayo mukukakatuka mukwa kuyula mweswe.

Zakaria 3:9

Ha liwe lino hinasa kumeso ja Yoshua, liwe limuwika lia yihanda shimbiali mungwolaho sona jalio, munguchiza uhie wa chifuchi ha tangwa limuwika. Chocho kanambe Yehova-wa-Tujita.

Mateu 21:42

Yesu ngwenyi, Kunwatangile nilimwe tangwa mu yisoneko, nyi? Ngwo, Liwe lize alitunyine tungi, Lienalio kuliapwa liwe lia helu lia mbango; Chino cha kuli Mwene, Necho chikomokeso kumeso jetu.

Marku 10:23

Mba Yesu wakengesele, wambile kuli tumbaji twenyi ngwenyi, Chikalu Chichize hali waze akwete upite kunjila mu wanangana wa Zambi.

Marku 12:10

Kunwatangile chipwe chisoneko chino ngwo, Liwe lize alitunyine tangi, Kuliapwa liwe lia helu lia mbango;

Marku 3:5

Muze te hakengesa hali ayo ni utenu, nikwivwa chinyengo ha kukala cha mbunge jo, yamba kuli mutu ngwenyi, Olola kwoko lie. Iye waliolwele; ni kwoko lienyi liahindukile lingunu ngwe likwo.

Luka 19:41

Muze akundamine, watalile limbo, walilililile,

Luka 22:37

Mumu ngunambe kuli yenu ngwami, Chatamba chino chinasonewa kumanunuka muli yami ngwo, Amwalwile hamwe ni yitanguke: mumu yuma ya kutwala kuli yami songo yikwete.

Luka 22:61

Mwene watewulukile, watalile meso kuli Petulu. Petulu wewulukile liji lia Mwene, ngwe chize ambile kuli iye ngwenyi, Shimbu ndemba kanda achitambika musono uno, yena mukalikala yami katatu.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 15:25

Alioze chino hichapwa, hanga liji lize linasonewa mu shimbi yo likamanunuke ngwo, Anguvwilile kole lume, chikuma chakuhi.

Yilinga 4:11

Iye lie liwe lize asele liamokomoko kuli yenu tungi, kuliapwa liwe lia helu lia ha mbango.

Efesu 2:20

Hanutungisa ha fundamentu ya apostolo ni aprofeta, Yesu Kristu mwene iye liwe lia lutwe lia ha mbango.

1 Petulu 2:6

Mumu chinasonewa mu chisoneko ngwo, Talenu, mungusa mu Zaione liwe lia lutwe lia mbango, lia kutongola, lilemu; yoze mamufuliela kechi kevwa sonyi.