Luka 20:10 - MUKANDA USANDU WA ZAMBI 1975

¹⁰ Ni ha mwaka wa kuhela, watumine ndungo kuli njimi, akamwehe yimwe ya ku mihuko ya munda; alioze njimi amulambile, amukatwishile mokomoko.

Mukanda Wa Zambi 1970

¹⁰ Muze mwaka wa kuhela hiwaheta yatuma umwe kavumbi kuli njimi hanga akatambule yimwe mihuko. Alioze e njimi yaalamba mwe kavumbi, yaamukatwisa mokomoko.

Luka 20:10 Iomraidhean Croise

1 Yitanga Ya Mianangana 22:24

Henaho Zedekia mwana Chenana yakundama yalamba Mikaia ha tafu ngwenyi, Spiritu ya Yehova kuchi akatuka kuli yami ahanjike ni yena?

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

1 Sango Ja Mianangana 19:4

Kashika Hanune yakwata tuvumbi twa David; yaatewula; yateta mazalo jo hakachi ndo ku matako; yaahuma.

2 Sango Ja Mianangana 16:10

Asa yatenuka ni mwe mukwa kumona, yamusa mu zuwo lia ususu. Wamuvwilile ufwatulo ha chikuma chino. Asa yapinjisa amwe hakachi ka e atu nawa ha matangwa aze.

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 20:2

Kashika Pashure yalamba profeta Jeremia, ni kumuyikila mu kuli jize japwile ku chikolo cha Mbenjamine cha ku tunda ku zuwo lia Yehova.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Luka 13:34

Yerusaleme, Yerusaleme, yena wakushiha aprofeta, wakwasa mawe waze aatumine kuli yena! Yisuho yipwa haha nazangile kukungulula i ana je ngwe chali makungulula ana jenyi mushi lia mapulwa jenyi, alioze kunwatayile.

Luka 20:11

Cheka nawa watumine ndungo mukwo; iye nawa yamulamba, yamusaula, yamukatwisa mokomoko.

Luka 20:9

Iye waputukile kutela chishima chino kuli atu ngwenyi, Umwe mutu watumbile munda wa uva, waukunjikile kuli njimi, wakatukile akaye mu wenyi ku chifuchi chikwo, mukutwama shimbu linene.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

A-ROMA 7:4

Kashika, mandumbu jami, ni yenu nawa hananupwisa afu ku shimbi mumu ha mujimba wa Kristu; hanga nukapwe kuli weka, te kuli yoze amuhindwishile hakachi ka afu, hanga tukeme mihuko kuli Zambi.