Luka 2:7 - MUKANDA USANDU WA ZAMBI 1975

⁷ Iye wasemene mwanenyi wa lunga mutangu, wamuvungile mu mahina, wamupombesele mu chililo; mumu kumwapwile muhela hali ayo mu zuwo lia kuzeka ngeji.

Mukanda Wa Zambi 1970

⁷ Yasema mwanenyi mutangu, wa lunga. Yamuvunga mu mahina, yamubombesa mu chililo cha yimuna, mumu kaabwile ko ni muhela mu zuwo lia ngeji.

Luka 2:7 Iomraidhean Croise

Ubutukilo 42:27

Shimbu umwe hakachi ko hajitula njeke yenyi akahane kulia kuli chimbulu chenyi ha chipombelo, yamona mbongo jenyi, kumanyi kwilu mu njeke jili.

Ubutukilo 43:21

Alioze ha kuheta ku chipombelo twajitwile njeke jetu, kumanyi mbongo ja mutu mweswe twajiwanyine mu njeke yenyi, mbongo jeswe nikulita ni pezu. Kashika hitwajineha mu kwoko.

Miaso (Masamu) 22:6

Alioze yami nguli katutu, hi nguli mutu ko. Malunga kakunguchoka, atu kakungulelesa.

Kutuhuka 4:24

Mba mu jila, ku zuwo lia kuzeka ngeji Yehova yatakana ni Mose, yafupa kumushiha.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Mateu 1:25

alioze kapombele nenyi ndo te hasema mwanenyi mutangu wa lunga: wamulukile jina ngwenyi, Yesu.

Mateu 13:55

Yono hi mwana wa karpinteru ko, nyi? Naye hi Maria ko, nyi? Ni ana-akwo ngwo, Tiangu, ni José, ni Semone, ni Yunda, nyi?

Mateu 8:20

Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Luka 10:34

wakundamine kuli iye, wakashile mbandu jenyi, watehwinyineho maji ni vinyu; iye wamusele ha chimbulu chenyi mwene, wamutwalile ku zuwo lia kuzeka ngeji, wamufungile.

Luka 2:6

Mba shimbu apwileko, matangwa a kusema chenyi amanunukine.

Luka 2:8

Kwapwile tufunga mu chifuchi chize kanafungu mapanga jo haze ha ufuku.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

2 Korintu 8:9

Mumu nunanyingika vumbi lia Mwene wetu Yesu Kristu, chipwe wapwile pichi, hindu mumu hali yenu, walipwishile chiswale, hanga yenu ku uswale wenyi nukapwe pichi.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi