Luka 2:49 - MUKANDA USANDU WA ZAMBI 1975

⁴⁹ Iye wambile kuli ayo ngwenyi, Kuchi te nunakangufupa? Kunwanyingikine ngwe changutamba kulinga yuma ya Tata, nyi?

Mukanda Wa Zambi 1970

⁴⁹ Neye yaakumbulula ngwenyi: “Yika te nunangufupila? Kuma kunwanyingikine ngwenu, Changutamba kubwa mu zuwo lia Tata, nyi?”

Luka 2:49 Iomraidhean Croise

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Mateu 21:12

Yesu wanjilile mu tembele ya Zambi, Watuhwishile waze eswe alanjishile, ni waze alanjile mu tembele, walimbwile mesa ja akwa kusumbakenya mbongo, ni yitwamo ya waze alanjishile tutele.

Luka 2:48

Muze amumwene, alishimwokene; ni naye wambile kuli iye ngwenyi, Mwanami, kuchi te hiwalinga chize ni yetu? Tatenu ni yami hitunakufupu nikupinda.

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 5:17

Alioze Yesu waakumbulwile ngwenyi, Tata kalinga ndo haliapwila, ni yami nakulinga.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yoano 8:29

Yoze wangutumine hwali hamwe ni yami; Tata kanguhichikile ukawami; mumu nakulinga matangwa eswe yuma yize ya kupemena kuli iye.

Yoano 9:4

Changutamba kulinga yitanga ya yoze wangutumine shimbu kuchili mwalwa: ufuku muwiza muze niumwe mahasa kulinga.