Luka 2:42 - MUKANDA USANDU WA ZAMBI 1975

⁴² Muze apwile ni kumi lia miaka ni miaka yiali, akandukile ku Yerusaleme nikulita ni ndako ya chiwanyino;

Mukanda Wa Zambi 1970

⁴² Muze te Yesu habwa ni miaka kumi ni yaali, iye ni yisemi jenyi yaaya ku chiwanyino nikulita ni ndako yo.

Luka 2:42 Iomraidhean Croise

Kutuhuka 23:17

Malunga je eswe akasoloke kumeso ja Mwene Yehova mwaka ha mwaka, yisuho yitatu.

Luka 2:41

Yisemi jenyi apwile nikuyaya mwaka ha mwaka ku Yerusaleme ha chiwanyino cha Chizomboka.

Luka 2:43

muze te hamanununa matangwa, shimbu anahiluka, mwe mwana-lunga Yesu, wasalile kunyima mu Yerusaleme; ni yisemi jenyi kachinyingikine.

Luka 4:16

Iye wejile ku Nazare, kuze amulelele, wanjilile nikulita ni ndako yenyi, mu sunangonga ha tangwa lia sambata, wakatukile mukutanga.

Yoano 4:45

Kashika muze ahetele ku Ngalileya A-Ngalileya amutambwile, se hanamono yuma yize yeswe alingile iye mu Yerusaleme ku chiwanyino: mumu ayo nawa ayile ku chiwanyino.