Luka 2:41 - MUKANDA USANDU WA ZAMBI 1975

⁴¹ Yisemi jenyi apwile nikuyaya mwaka ha mwaka ku Yerusaleme ha chiwanyino cha Chizomboka.

Mukanda Wa Zambi 1970

⁴¹ Yisemi ja Yesu te kaakuya mwaka ha mwaka ku Yerusaleme ha Chiwanyino cha Kubalika.

Luka 2:41 Iomraidhean Croise

Kutuhuka 12:11

Chocho nukamulie, miya yenu ya kulijichika mu zalilo, nikuzala haku jenu, nikukwata milumbu yenu mu moko jenu, nukamulie ni kapupushi. Che Chizomboka cha Yehova.

Kutuhuka 12:14

Lino tangwa likapwe kuli yenu Chiwulwiso, lia kufunga chiwanyino cha Yehova. Ndusu yisemuko yenu munufunga chiwanyino chikapwe shimbi ya mutolo.

Kutuhuka 34:23

Mwaka ha mwaka, yisuho yitatu, malunga je eswe akasoloke kumeso ja Mwene Yehova, Zambi ya A-Izalele.

Alevi 23:5

ha kakweji mutangu, ha tangwa kumi ni liamuchiwana ha chingoloshi muhapwa Chizomboka cha Yehova.

Kwalula 28:16

Ha kakweji mutangu, ha tangwa kumi ni liamuchiwana lia mwe kakweji chapwa Chizomboka cha Yehova.

Luka 2:42

Muze apwile ni kumi lia miaka ni miaka yiali, akandukile ku Yerusaleme nikulita ni ndako ya chiwanyino;

Yoano 11:55

Alioze Chizomboka cha A-Yunda chakundamine: ni anji a ku chifuchi chize akandukile ku Yerusaleme muze te Chizomboka kanda chipwa, hanga akalipemese.

Yoano 13:1

Achi, shimbu te chiwanyino cha Chizomboka kanda chiheta, Yesu nikunyingika ola yenyi hiyeza akatuke hashi akaye kuli mwe Tata, se hanazange nienyi mwene, waze apwile hano hashi, waazangile ndo ku songo.

Yoano 2:13

Chizomboka cha A-Yunda muchikundama, mba Yesu wakandukile ku Yerusaleme.

Yoano 6:4

Achi, Chizomboka, chiwanyino cha A-Yunda, Chakundamine.

Shimbi 12:11

kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 16:16

Katatu ha mwaka, katatu ha mwaka, malunga jenu eswe akasoloke kumeso ja Yehova Zambi yenu kuze iye matongola; ku chiwanyino cha mbolo kuyishi futunwiso, ni ku chiwanyino cha masemana, ni ku chiwanyino cha yisakila. Kanda asoloka mokomoko kumeso ja Yehova.

1 Samuel 1:21

Mwe lunga Elekana ni akwa zuwo lienyi eswe ayile kulambula kuli Yehova mulambu wa mwaka ha mwaka hamuwika ni chilakenyo chenyi.

1 Samuel 1:3

Mwe lunga mwaka ha mwaka wakatukile ku chihunda chenyi nikuya mukuwayila Yehova-wa-Tujita nikumulambula yitapo ku Shilo kuze kwatwamine e ana aali a Eli, Hofni ni Finehase, asasendote ja Yehova.