Luka 2:4 - MUKANDA USANDU WA ZAMBI 1975

⁴ José nawa wakatukile ku Ngalileya, ku limbo lia Nazare, wakandukile ku Yundeya, ku limbo lia David, jina lialio, Mbeteleme, mumu iye mukwa zuwo ni mukwa jimo lia David:

Mukanda Wa Zambi 1970

⁴ Josefe yakatuka ku limbo lia Nazare mu chifuchi cha Galilea, yaaya ku Yudea, ku limbo lize analivuluka ngwo, Betleheme. Kwenako asemukinyine mwanangana David. Josefe yaya mumu te wa ku vungu lia David.

Luka 2:4 Iomraidhean Croise

Ubutukilo 35:19

Chocho Rakele yafwa, yamufunda mu jila ya kuya ku Efrata (likwo Mbeteleme).

Ubutukilo 48:7

Alioze ha kutwala kuli yami, muze nakatukile ku Panda, Rakele wafwile kumeso jami mu chifuchi cha Kanana, mwe mu jila te kwasala kachipinji wika kuheta ku Efrata. Namufunjile kuze kwene mu jila ya kuya ku Efrata (kwe ku Mbeteleme kwenako).

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mateu 2:23

wahetele, watwamine ku limbo analivuluka ngwo, Nazare; hanga chikamanunuke chize ahanjikile ku makanwa ja aprofeta ngwo, Kumakamuvuluka ngwo, Ka-Nazare.

Luka 2:3

Atu eswe ayile akaasoneke, mutu ni mutu ku limbo lienyi.

Luka 2:5

hanga akamusoneke hamwe ni Maria, pwo lienyi, te kali ni ufumba.

Luka 4:16

Iye wejile ku Nazare, kuze amulelele, wanjilile nikulita ni ndako yenyi, mu sunangonga ha tangwa lia sambata, wakatukile mukutanga.

Yoano 1:46

Natanele yamba kuli iye ngwenyi, Chuma chipema muchihasa kukatuka ku Nazare, nyi? Fwilipe yamba kuli iye ngwenyi, Tweya utale.

Yoano 7:42

Chisoneko kuchambile ngwo, Kristu makatuka ku munyachi wa David, ni ku Mbeteleme, chihunda kuze apwile David, nyi?

Rute 1:19

Chocho ayile eswe ni aali ndo ku Mbeteleme. Muze ahetele ku Mbeteleme chihunda cheswe chalishimwokene mumu hali ayo. Mapwo yamba ngwo, Au Noemi nyi?

Rute 2:4

Kumanyi Mboaze yakatuka ku Mbeteleme, yamba kuli akwa kucha mbuto ngwenyi, Yehova apwe hamwe nenu. O yakumbulula ngwo, Yehova anuwahise.

Rute 4:11

Aho atu eswe apwile mu chikolo hamwe ni makulwana yamba ngwo, Tuli yela. Ni yono pwo ananjila mu zuwo lie, Yehova akamupwise ngwe Rakele ni Liya waze hamuwika asangwile munyachi wa Izalele. Ukawahe mu Efrata, ukafumane mu Mbeteleme.

Rute 4:17

Chocho mapwo a chifuchi chize yamwaha jina ngwo, Noemi hasema mwana. Yamuluka jina lienyi Opete. Iye tato ya Yese, yoze wasemene David.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 16:4

Samuel yalinga chize Yehova yamwamba; yeza ku Mbeteleme. Makulwana a chihunda yamupatwiza nikuchikima. Yamba ngwo, Nuneza ni sambukila?

1 Samuel 17:12

David iye te mwana wa Ka-Efrata wa ku Mbeteleme-Yunda, jina lienyi Yese. Iye te kali ni ana a malunga nake, mukulwana chikolo ha matangwa a Saulu, hanakukwoka hakachi ka atu.

1 Samuel 17:58

Saulu yamba kuli iye ngwenyi, Ena mukweze, uli mwana waya? David yakumbulula ngwenyi, Nguli mwana wa kavumbi kenu Yese wa ku Mbeteleme.

1 Samuel 20:6

Nyi tatenu mamona chishiko, amba ngwe, David waliumbile kuli yami akazomboke ku Mbeteleme ku mahio, mumu malambula milambu ya mwaka ha mwaka ya usoko wo eswe.