Luka 2:39 - MUKANDA USANDU WA ZAMBI 1975

³⁹ Muze te hamanununa yuma yeswe nikulita ni shimbi ya Mwene, ahilukilile ku Ngalileya ku limbo lio ene, te ku Nazare.

Mukanda Wa Zambi 1970

³⁹ Muze te yisemi jenyi haamanununa yuma yeswe nikulita ni Shimbi ja Mwene Zambi, yaahiluka ku Galilea ku limbo lia Nazare.

Luka 2:39 Iomraidhean Croise

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Luka 1:26

Achi, ha kakweji wamuchisambano, Zambi watumine mungelo Gabriele ku limbo lia mu Ngalileya, jina liacho Nazare.

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Luka 2:4

José nawa wakatukile ku Ngalileya, ku limbo lia Nazare, wakandukile ku Yundeya, ku limbo lia David, jina lialio, Mbeteleme, mumu iye mukwa zuwo ni mukwa jimo lia David:

Luka 2:51

Iye wapalumukine hamwe no ku Nazare, wazeyele kuli ayo; ni naye wafungile maliji ano eswe mu mbunge yenyi.

Luka 4:16

Iye wejile ku Nazare, kuze amulelele, wanjilile nikulita ni ndako yenyi, mu sunangonga ha tangwa lia sambata, wakatukile mukutanga.

Luka 4:23

Iye wambile kuli ayo ngwenyi, Munwamba kuli yami chishima chino ngwo, Mbuki, liwuke yena mwene; chize cheswacho twevwile alingile ku Kafwanaume, linga kuno nawa mu chijima cha yena mwene.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.