Luka 2:32 - MUKANDA USANDU WA ZAMBI 1975

³² pangu lia kutemwina akwa mavungu, ni uhenya wa atu je, A-Izalele.

Mukanda Wa Zambi 1970

³² Ulamwino uno lie pangu lia kutemwina waze hi Ayuda ko, we ulemu wa atu je Aisraele.”

Luka 2:32 Iomraidhean Croise

Miaso (Masamu) 85:9

Chamwenemwene ulamwino wenyi hakamwihi uli ni waze akumuvwila woma, hanga ulemu ukapwe mu chifuchi chetu.

Izaya 11:10

Ha tangwa lize mutombo wa Yese muumana ngwe mbandeira kuli mavungu. Akwa mavungu mamufupa, ni zuwo lienyi mulipwa lia uhenya.

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Izaya 45:25

Muli Yehova ana eswe a Izalele makumba ni kulisamba.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 49:9

ukambe kuli funge ngwe, Tuhukenu, kuli waze atwama mu milima ngwe, Solokenu. Kumakalia mu jila, ku milundu ya hululu makawana kelo.

Izaya 51:4

Enu atu jami, panjikenu kuli yami, munyachi wami, nehenu matwi jenu. Mumu shimbi yimwe muyikatuka kuli yami, ni ululi wami muupwa pangu lia mavungu.

Izaya 60:19

Tangwa kulichi kapwa nawa pang u lienu lia mwalwa; kakweji kechi katemuka kuli yenu ha ufuku. Alioze Yehova makapwa pangu lienu lia mutolo, Zambi yenu makapwa uhenya kuli yenu.

Izaya 9:2

Atu aze endele mu milima hamona pangu linene; waze atwamine mu chifuchi cha milima pwi, hali ayo pangu linene hilinapanguka.

Jeremia 2:11

Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Mateu 4:16

Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Luka 2:10

Mungelo wambile kuli ayo ngwenyi, Kanda nwivwa woma; mumu ngunanwambulwila sango lipema lia uwahililo unene, lize kumulikapwa kuli atu eswe.

Luka 2:31

Uze hiunalulika kumeso ja atu eswe;

Yilinga 26:23

ngwe chize chatamba Kristu kumona lamba, ngwe chize iye hatangu ku Uhindukilo hakachi ka afu, mambujola pangu kuli atu ni mavungu.

Yilinga 28:28

Nyingikenu kashika ulamwino uno wa Zambi hiunatumiwa kuli akwa mavungu: o nawa kumakevwa.

1 Korintu 1:31

hanga, nikulita ngwe chinasonewa ngwo, Yoze malisamba, akalisambe muli Mwene.

Usolwelo 21:23

Limbo kuliafupile tangwa, chipwe kakweji kupangukamo, ka; mumu uhenya wa Zambi hiunalipangulula, ni ndeya yalio, mwe Mwana-panga.