Luka 2:21 - MUKANDA USANDU WA ZAMBI 1975

²¹ Ku songo lia matangwa muze hamupwisa ngalami, amulukile jina ngwo, Yesu, lienalio amulukilelio kuli mungelo, muze te jimo kanda lichiseseka.

Mukanda Wa Zambi 1970

²¹ Ha tangwa lia muchinake, ha kumupwisa ngalami, yaamuluka jina ngwo, Yesu, lienalio amulukile kanganda ka mwilu muze te kanda achiseseka mu jimo lia naye.

Luka 2:21 Iomraidhean Croise

Ubutukilo 17:12

Mweswe maheta ku matangwa nake hakachi kenu akamupwise ngalami, lunga mweswe ndusu yisemuko yenu, chipwe yoze wasemuka mu zuwo chipwe yoze wa kulanda ni mbongo kuli mukwa munyachi weka, hi munyachi wenu ko.

Alevi 12:3

Ha tangwa liamuchinake mapwisa mwe mwana ngalami.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 1:25

alioze kapombele nenyi ndo te hasema mwanenyi mutangu wa lunga: wamulukile jina ngwenyi, Yesu.

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Luka 1:31

mba museseka mu jimo, mukasema mwanalunga, munumuluka jina ngwe, Yesu.

Luka 1:59

Mba ha tangwa liamuchinake ejile akapwise mwe mwana ngalami; o ambile kumuluka jina lia tato ngwo, Zakaria.

Filipu 2:8

Mba se amuwanyine mu mujimba wa mutu, walikehesele, wononokene ndo ku kufwa, ewa, chipwe kufwa cha ha kulusu.