Luka 2:19 - MUKANDA USANDU WA ZAMBI 1975

¹⁹ Alioze Maria wafungile maliji ano eswe nikwazewula mu mbunge yenyi.

Mukanda Wa Zambi 1970

¹⁹ Alioze Maria yafunga yuma yino yeswe ni kuyizewula mu mbunge yenyi.

Luka 2:19 Iomraidhean Croise

Ubutukilo 37:11

Ayayo amuvwilile ukwa, alioze tato wafungile maliji ano mu mbunge yenyi.

Miaso (Masamu) 119:11

Liji lie kunalisweka mu mbunge yami kuchina mungukuvulumuna.

Yishima 4:4

Tata wangulongesele ngwenyi, Mbunge ye yikalalaminye ku maliji jami; funga shimbi jami Utwame ni mwono.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Luka 1:66

Mba waze eswe ayivwile, ayipachikile mu mbunge jo, ngwo, Yono mwana kuchi makapwa? Ni kwoko lia Mwene liapwile hamwe nenyi.

Luka 2:18

Ni waze eswe achivwile, akomokene ha yuma yize tufunga aambulwilile.

Luka 2:51

Iye wapalumukine hamwe no ku Nazare, wazeyele kuli ayo; ni naye wafungile maliji ano eswe mu mbunge yenyi.

1 Samuel 21:12

David yapachika maliji ano mu mbunge, yavwila woma Akishe mwanangana wa Ngata.