Luka 2:14 - MUKANDA USANDU WA ZAMBI 1975

¹⁴ Uhenya kuli Zambi mwilu mwahiana, Hano hashi sambukila hakachi ka atu akumuwahila.

Mukanda Wa Zambi 1970

¹⁴ “Fumanyisenu Zambi Mwilu Mwahiana! Hano hashi uhwimino hakachi ka atu waze akumuwahila!”

Luka 2:14 Iomraidhean Croise

Izaya 44:23

Enu malilu, imbenu, mumu Yehova hanachilingi; kololoka ena hashi uli mushi; enu milundu putukenu kwimba; ni yenu usaki ni mitondo yeswe yilimo! Mumu Yehova hakuta Yakomba, kumakawana uhenya muli Izalele.

Izaya 49:13

Imbenu ni uwahililo, enu malilu, ni yena hashi, Likwize! Enu milundu, putukenu ni miaso! Mumu Yehova hanawumbijeka atu jenyi, kumakavwila keke atu jenyi a luyinda.

Izaya 57:19

Yehova kanambe ngwenyi, Uhwimino, uhwimino kuli waze ali kusuku ni waze ali hakamwihi. Mungumuwuka.

Mika 5:5

Mba yono makapwa sambukila, muze A-Asuria makanjila mu chifuchi chetu nikuliata ha mavu jetu, se yetu mutukasolola kulimika nenyi tufunga shimbiali ni alemu ja atu nake.

Mateu 21:9

Mbunga jize angutetekelele ni jize akawile, akololokele ngwo, Vulie! Mwana David! Kufumana yoze meza mu jina lia Mwene; Vulie! mwilu mwahiana!

Luka 1:79

Mukupanguka hali waze akutwama mu milima ni mu Chizulie cha kufwa; mukutemwina molu jetu mu jila ya sambukila.

Luka 19:38

ngwo, Kawaha Mwanangana yoze meza mu jina lia Mwene: sambukila mwilu, ni uhenya mwilu mwahiana.

Luka 2:13

Mba susumuku kwapwile hamwe ni mungelo, yizavu ya tujita twa mwilu kanahalisa Zambi, ngwo,

Luka 2:15

Muze angelo akatukile kuli ayo, akaye mwilu, tufunga aliambile umwe kuli mukwo ngwo, Tuyenu haliapwila ndo ku Mbeteleme, tukatale chino chuma hichapwa, chenacho Mwene hatunyingikisa.

Luka 3:22

Ni Spiritu Musandu wahulumukine hali iye nikusoloka ni mujimba, ngwe katele, ni liji liatuhukile mwilu, ngwo, Mwanami yena, ngunakuzange; muli yena ngunawahilila chikolo.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yoano 17:4

Nakuchichimiekene hano hashi; se hingunamanununa chitanga chize wanguhele kulinga.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yilinga 10:36

Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

A-ROMA 5:1

Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu;

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Efesu 1:9

Nikutunyingikisa chijimbikilo cha upale wenyi, nikulita ni chize chamupemena, chize waliselele kulinga muli iye mwene;

Efesu 2:4

Alioze Zambi, mukwa keke ya kulumbama, mumu ha zango lienyi linene lize watuzangile nalio,

Efesu 2:7

hanga ha miaka yize muyiza kwiza, akasolole kulumbama chahiana cha vumbi lienyi ni utu kuli yetu muli Kristu Yesu.

Filipu 2:11

hanga malimi eswe akatayize ngwo, Yesu Kristu iye mwe Mwene, akachichimieke Zambi Tata.

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.

Kolosu 1:20

Muli iye kuwanyisa yuma yeswe kuli iye mwene, se hanalingi sambukila ku manyinga ja ku kulusu yenyi; kuli iye ngwami, Chipwe yuma ya hano hashi, hanji yuma ya mu malilu.

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

Usolwelo 5:13

Ni yuma yeswe ya kutangiwa, yize yili mwilu, ni hano hashi, ni kushi lia hashi, ni mu kalunga-lwiji, ni yuma yize yeswe yilimo, naavwile ngwo, Lufuma, ni ulemu, ni uhenya, ni ndundo yikapwe kuli yoze watwama ha ngunja ni kuli mwe Mwana-panga ndo ku miaka yeswe ya mutolo.