Luka 2:10 - MUKANDA USANDU WA ZAMBI 1975

¹⁰ Mungelo wambile kuli ayo ngwenyi, Kanda nwivwa woma; mumu ngunanwambulwila sango lipema lia uwahililo unene, lize kumulikapwa kuli atu eswe.

Mukanda Wa Zambi 1970

¹⁰ Alioze kanganda ka mwilu yaamba ngwenyi: “Kanda nwivwa woma, mumu ngunanwambulwila Sango Jibema jize mujikawahisa atu eswe.

Luka 2:10 Iomraidhean Croise

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Izaya 40:9

Ena Zaione kanganda ka sango lipema, kanduka ku mulundu usuku; ena Yerusaleme kanganda ka sango lipema, kololoka ni tachi, kololoka, kanda wivwa woma; amba ku yihunda ya Yunda ngwe Talenu Zambi yenu!

Izaya 41:27

Yami naliangile kuchambulula ku Zaione. Ngunatumu ku Yerusaleme kanganda ka sango lipema.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Izaya 52:7

Ha milundu cho kuwaha cha molu ja mukwa Sango lipema, yoze wakwambujola sambukila, nikuneha sango lia kuwaha lia yuma yipema, kakwambujola ulamwino; kakwamba kuli Zaione ngwenyi, Zambi ye kanayulu.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 14:27

Alioze haze hene Yesu wahanjikile no ngwenyi, Hamukenu; yami mwene; kanda nwivwa woma.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Mateu 28:5

Mungelo wakumbulwile, wambile kuli mapwo ngwenyi, Kanda nwivwa woma; mumu ngunanyingika nunafupu Yesu, yoze anakamuhachila ha kulusu.

Marku 1:15

Ngwenyi, Mwaka unamanunuka, ni wanangana wa Zambi hiunakundama: likonyekenu, nufuliele lie sango lipema.

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Luka 1:13

Alioze mungelo wambile kuli iye ngwenyi, Kanda wivwa woma, Zakaria; mumu hanapanjika ku kuliumba che; ni mukwenu-pwo Izabele kumakakusemena mwana-lunga, ukamuluke jina ngwe, Yoano.

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 1:30

Mungelo wambile kuli iye ngwenyi, Kanda wivwa woma, Maria, mumu hiunawane vumbi kumeso ja Zambi;

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Luka 8:1

Mba kulutwe lia kashimbu wapalikile ndusu ku limbo ni limbo, ni chihunda ni chihunda, nikwambujola sango lipema lia wanangana wa Zambi; ni kumi ni aali apwile hamwe nenyi.

Yilinga 13:32

Mba yetu tunanwambulwila sango lipema lia chilakenyo chize alakenyene kuli tulamba,

A-ROMA 10:15

Ngwe kuchi makambujola shina matumiwa? Nikulita ngwe chinasonewa ngwo, Cho kupema cha molu ja waze akwambujola sango lipema!

Efesu 3:8

Kuli yami, nguli mukepekepe Wahiana eswe wa kuli asandu eswe, hanangwehe vumbi lino, kwambujola hakachi ka akwa mavungu sango lipema lia upite wa Kristu, uze niumwe mahasa kuunyingika;

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.