Luka 19:8 - MUKANDA USANDU WA ZAMBI 1975

⁸ Alioze Zakeu wamanyine, wambile kuli Mwene ngwenyi, Mwene, chihanda cha hakachi cha yikumba yami ngunahane kuli yiswale; nyi kachi natambwile chimwe kuli mutu umwe ni chisanyino, kachi ngunahilwisa kuli iye yisuho yiwana.

Mukanda Wa Zambi 1970

⁸ Alioze Zakeu yamana kikilii, yambila Mwene ngwenyi: “Talenu, Mwene! Munguhana Chihanda cha hakachi cha yikumba yami kuli yiswale. Nyi natambwile kuli umwe mbongo ni kaliongelo, mungumuhilwishila jo yisuho yiwana.”

Luka 19:8 Iomraidhean Croise

2 Samuel 12:6

Chikwo nawa akahilwise ana-mapanga awana mumu hachilinga, ni keke kapwile nayo.

Miaso (Masamu) 41:1

Kawaha yoze wakunyonga yiswale. Yehova kumakamupulula ha tangwa lipi.

Kutuhuka 20:16

Kanda ukatayila mahuza mwenyembo we.

Yishima 6:31

Hindu, nyi mamukwata machihilwisa kashimbiali; mahana upite weswe wa mu zuwo lienyi.

Ezekiel 33:15

nyi chingulungulu mahilwisa chifungo, ni kuhilwisa chize hatambula ni wiji, ni kwenda mu yiyulo ya mwono, ni kulinga uhenge ka; kumakatwama ni mwono, kechi kufwa.

Kwalula 5:7

hohene akashikise mutonga havulumuna; nikulita ni mutonga wenyi akafwete yeswe lukombo, mba hikuwezaho chihanda chimuwika cha ku yihanda yitano, akahane kuli mwe mwenya mutonga.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 16:9

Mba ngunambe kuli yenu ngwami, Litengelenu tusendo a ku upite wa uhenge, hanga muze januhwa, o akanutambule muma mwa kutwama mwa mutolo.

Luka 19:7

Muze achimwene, o eswe anyenyetene, ngwo, Haya nikutula ku zuwo lia lunga yoze wapwa chivulumunyi.

Luka 7:13

Muze Mwene amumwene, wamuvwilile keke, wambile kuli iye ngwenyi, Kanda ulila.

Luka 7:19

Mba Yoano watambikile aali a kuli tumbaji, waatumine kuli Yesu, ngwenyi, Shina yena uli yoze meza, nyi? Shina mutatalatala mukwo?

1 Samuel 12:3

Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.