Luka 19:47 - MUKANDA USANDU WA ZAMBI 1975

⁴⁷ Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Mukanda Wa Zambi 1970

⁴⁷ Tangwa ha tangwa Yesu yalongesa mu zuwo lia Zambi. Mahako a lutwe a Zambi, ni alongeshi a Shimbi, ni akwa lutwe ja atu yaazanga kumushiha.

Luka 19:47 Iomraidhean Croise

Mateu 21:23

Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Marku 11:18

Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi.

Marku 12:12

O afupile kumukwata; alioze evwile woma wa mbunga; mumu anyingikine wahanjikile chishima cha kwahisa: kashika yamuhichika, yakatuka.

Marku 14:1

Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe.

Marku 14:49

Napwile tangwa ha tangwa hamwe ni yenu nikulongesa mu tembele, hindu kunwangukwachile: alioze yisoneko yikamanunuke.

Luka 19:48

Alioze kawanyine chize mahasa kulinga; mumu atu eswe amupanjikile ni mbunge yeswe.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Yoano 10:39

Afupile kashika cheka nawa kumukwata: iye wakatukile kuli ayo.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.

Yoano 7:19

Mose wanuhele shimbi, nyi? Hindu niumwe wa kuli yenu wakulinga shimbi. Kuchi te nunafupu kungushiha?

Yoano 7:44

Mba amwe azangile kumukwata; alioze niumwe kamukwachile.