Luka 19:43 - MUKANDA USANDU WA ZAMBI 1975

⁴³ Mumu matangwa kumakeza hali yena, muze akwa kole je makakutambika mulumba wa mavu ha kukujingilika, makakuseleka, makakukwata ha malumbu eswe.

Mukanda Wa Zambi 1970

⁴³ Mumu matangwa makeza muze akwa kole je maakakujingilika, maakakuseleka ku mambango eswe.

Luka 19:43 Iomraidhean Croise

Longeshi 9:14

Kwapwile chihunda chikepe ni malunga jamo hi anji ko. Umwe mwanangana munene wejile kulimika nacho; wachiselekele, nikutunga yuma yinene ya kuchihombwesa.

Izaya 37:33

Kashika Yehova kanambe ha kutwala kuli mwanangana wa Asuria ngwenyi, Kechi kanjila mu chihunda chino; kechi kakongamo mwivu; kechi kanjilamo ni lukepwe, chipwe kulumbikako mulumba wa kulimika nacho.

Ezekiel 26:8

Anenu a mapwo a ku mbaka makaashiha ni katana. Kumakatunga chipanga-cha-mawe cha kunuseleka; kumakalumbika mulumba wa jita kulimika ni yenu; kumakalinga ngwe fulumba lia kepwe kulimika ni yenu.

Ezekiel 4:2

Esekako tuposhi twa jita, tungako chipanga cha kuseleka, lumbikako mulumba wa kulimika nacho, sako yilombo ya kulimika nacho, sako nawa makina ja kupupa kweswe kwa kujingilika.

Mateu 22:7

Muze mwanangana achivwile, watenukine, watumine mbunga ya maswalale jenyi, wonwene yingalwe aze, mba wochele limbo lio.

Luka 19:42

ngwenyi, Kachi wanyingikine chipwe yena, chipwe chikepe ha lino tangwa lie, yuma ya sambukila ye! Alioze haliapwila yinaswame ku meso je.