Luka 19:42 - MUKANDA USANDU WA ZAMBI 1975

⁴² ngwenyi, Kachi wanyingikine chipwe yena, chipwe chikepe ha lino tangwa lie, yuma ya sambukila ye! Alioze haliapwila yinaswame ku meso je.

Mukanda Wa Zambi 1970

⁴² nikwamba ngwenyi: “Nyi wanyingikine, chibwe musono uno, yuma yize muyihasa kukwaha uhwimino! Alioze haliabwila yinaswamana ku meso je!

Luka 19:42 Iomraidhean Croise

Miaso (Masamu) 32:6

Ha chikuma chino mweswe mukwa kuwayila akalembe kuli yena ha mwaka uze mahasa kukuwana. Chipwe muze meya a masanga masupwoka kechi kamuheta.

Miaso (Masamu) 81:13

Atu jami, kachi mangwivwa! Izalele, kachi menda mu majila jami!

Izaya 44:18

Kanyingikine, kuchaalumbunukine mumu iye hayika meso jo, kashika kahashile kumona. Hayika manyonga jo, kashika kahashile kunyingika.

Izaya 48:18

Mala! Nyi kachi nwevwile shimbi jami! Kachi uhwimino wenu wapwa ngwe lwiji, kachi ululi wenu wapwa ngwe mikanya ya kalunga-lwiji.

Izaya 55:6

Fupenu Yehova shimbu munuhasa kumuwana, mutambikenu shimbu achili hakamwihi.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Luka 19:41

Muze akundamine, watalile limbo, walilililile,

Luka 19:43

Mumu matangwa kumakeza hali yena, muze akwa kole je makakutambika mulumba wa mavu ha kukujingilika, makakuseleka, makakukwata ha malumbu eswe.

Luka 19:44

Kumakakupuzula hashi, ni ana je muli yena, kechi kahichika muli yena liwe limuwika ha liwe likwo; mumu te kwanyingikine mwaka we upema.

Yilinga 10:36

Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

Yilinga 13:46

Ni Paulu ni Mbarnavwe ahanjikile ni hamu, ngwo, Chinatambe kuhanjika liji lia Zambi kuli yenu hatangu. Alioze se nunalichinji kuli yenu, ni se nunalipatwila kunwatelele mwono wa mutolo, tunatewulukila kuli akwa mavungu.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Hebreu 3:13

Alioze lishinjilenu umwe ni mukwo ni mukwo tangwa ha tangwa, shimbu lieswe analivuluka ngwo, Musono, hanga niumwe wa kuli yenu kechi kakala ku kwonga cha shili.

Hebreu 3:15

Shimbu unachambe ngwo, Musono, nyi munwivwa liji lienyi, kanda nukalisa mbunge jenu ngwe ha che kwihia.

Hebreu 3:7

Kashika chizechene ngwe Spiritu Musandu kanambe ngwenyi, Musono nyi munwivwa liji lienyi,