Luka 19:22 - MUKANDA USANDU WA ZAMBI 1975

²² Yamba kuli iye ngwenyi, Mu kanwa lia yena mwene mungukupatwila, ndungo mupi. Yena wanyingikine ngwe nguli mutu mukalu, nikwanda chize chatumbikile, nikucha chize chakuwile.

Mukanda Wa Zambi 1970

²² Mwanangana yamwamba ngwenyi: ‘Kavumbi mubi, mungukubatwila nikulita ni maliji je. Kuma te Unanyingika ngwe, nguli mutu mukalu ni kwanda chize hi cha yami ko ni kuhela chize chatumbile.

Luka 19:22 Iomraidhean Croise

2 Samuel 1:16

David yamba kuli iye ngwenyi, Manyinga je akapwile ha mutwe wa yena mwene, se kanwa lie hiliakushindakenya ngwe, Hinashiha yoze amuwayishile kuli Yehova.

Mateu 12:37

Mumu ku maliji je makakusambisa, ni ku maliji je makakuhisa.

Mateu 22:12

Yamba kuli iye ngwenyi, Mukwetu, ngwe kuchi wanjilanga muno kushi uzalo wa ulungi? Alioze waholele.

Luka 19:21

Mumu nevwile woma wa yena, mumu uli mutu mukalu: wakwanda chize kwatumbikile, wakucha chize kwakuwile.

Luka 19:23

Kuchi te kevwe kwahanyine mbongo jami kuli akwa kusumbakenya mbongo, ha kwiza chami kachi hinajitambula ni mbwezo.

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi: