Luka 19:17 - MUKANDA USANDU WA ZAMBI 1975

¹⁷ Wambile kuli iye ngwenyi, Hiunalingi kanawa, yena ndungo mupema; mumu wapwa wamwenemwene ni chikepekepe, pwako ni chiyulo cha kumi lia membo.

Mukanda Wa Zambi 1970

¹⁷ Mwanangana yamwamba ngwenyi: ‘Walinga kanawa, kavumbi mubema! Mumu washishika ha yuma yikepe, ngunakupwisa mukwa kuyula wa membo kumi.’

Luka 19:17 Iomraidhean Croise

Ubutukilo 39:4

José yamuwahila ku meso jenyi, yalumuka mukwa kuvumbika kakó, yamupwisa kaselo kenyi. Yakunjika upite wenyi weswe kuli iye.

Yishima 27:18

Mukwa kufunga mukuyu malia mihuko yawo; yoze mavumbika kako makamulemesa.

Mateu 25:21

Mwene wenyi ngwenyi, Hiunalingi kanawa, ndungo mupema, wamwenemwene, hiunashishika ha yuma yikehe, mungukakusela helu lia yuma yinji; njila mu uwahililo wa mwene we.

Luka 16:10

Yoze mapwa wamwenemwene ni chikepekepe, mapwa wamwenemwene nawa ni chinji: ni yoze mahengesa ni chikepekepe, mahengesa ni chinji.

Luka 19:16

Mutangu wejile kumeso jenyi, ngwenyi, Mwene, lumbongo we hanafumbula kumi lia mbongo jikwo.

Luka 19:18

Wamuchiali wejile, ngwenyi, Mwene, lumbongo we hanafumbula mbongo jitano.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

A-ROMA 2:29

alioze iye Ka-Yunda yoze wapwa chocho ku yuma ya muchima; ni ungalami wa mbunge, mu spiritu, hi mu lusona ko; uhaliso wenyi hi wa kuli atu ko, alioze wa kuli Zambi.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Timoteu 2:10

Ha chikuma chino nakunyongonona mu yuma yeswe, mumu hali waze hanaatongola, hanga akazuke ulamwino uze uli muli Kristu Yesu, hamwe ni uhenya wa mutolo.

1 Petulu 1:7

hanga kweseka cha Ufulielo wenu, ulemu wahiana chikolo oru yize ya kutoka, chipwe mayeseka ni kahia, akauwane wa uhaliso ni uhenya ni ulemu ha usolwelo wa Yesu Kristu:

1 Petulu 5:4

Mba muze masolola Kafunga mukwa lutwe, kumunukatambula chipangula cha uhenya chize kuchishi kujimuka.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.