Luka 19:12 - MUKANDA USANDU WA ZAMBI 1975

¹² Kashika wambile ngwenyi, Umwe mutu mulemu wayile ku chifuchi kusuku mukutambula wanangana, akahiluke.

Mukanda Wa Zambi 1970

¹² Neye yamba ngwenyi: “Umwe mutu wa lufuma wayile ku chimwe chifuchi kusuku ha kutambula wanangana, akahiluke nawa.

Luka 19:12 Iomraidhean Croise

Mateu 21:38

Alioze njimi, muze amwene mwanenyi, aliambile hakachi ko ngwo, Yono mwe swana, tumushihenu, tukatambule chihinga chenyi.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Marku 12:1

Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo.

Marku 16:19

Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi.

Luka 20:9

Iye waputukile kutela chishima chino kuli atu ngwenyi, Umwe mutu watumbile munda wa uva, waukunjikile kuli njimi, wakatukile akaye mu wenyi ku chifuchi chikwo, mukutwama shimbu linene.

Luka 24:51

Shimbu machiawahisa, amuhandunwine kuli ayo, amumbachile mwilu.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

1 Korintu 15:25

Mumu chamutamba kuyula ndo masa akwa kole jenyi eswe kushi lia yiliato yenyi.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

1 Petulu 3:22

yoze kwali ku kwoko lia chindume lia Zambi, se hanayi mwilu; angelo ni akwa kuyula ni tachi nikuzeyela kuli iye.

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.