Luka 18:43 - MUKANDA USANDU WA ZAMBI 1975

⁴³ Haze hene walawile ku meso, wamukawile, nikuchichimieka Zambi; ni atu eswe, muze achimwene, ahanyine uhaliso kuli Zambi.

Mukanda Wa Zambi 1970

⁴³ Hazehene yalaula, yakaula Yesu ni kuchichimieka Zambi. Muze mbunga haachimona, yaachichimieka Zambi.

Luka 18:43 Iomraidhean Croise

Miaso (Masamu) 107:15

Kachi atu mahalisa Yehova te, mumu ha utu wa zango lienyi ni yitanga yenyi ya kukomwesa kuli ana ja atu.

Miaso (Masamu) 107:8

Kachi atu mahalisa Yehova te, mumu ha utu wa zango lienyi, ni yitango yenyi ya kukomwesa kuli ana ja atu.

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Miaso (Masamu) 30:2

Yehova Zambi yami, natetele kuli yena ni yena wanguwukile.

Izaya 35:5

Henaho meso ja tupuputa malaula, matwi ja afwa-matwi majikuka.

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Izaya 43:21

atu aze nawumbile hali yami mwene hanga akambulule uhaliso wami.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 21:14

Ni tupuputa ni yilema ejile kuli iye mu tembele; neye waawukile.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Luka 13:17

Shimbu ahanjikile yino yuma, akwa kulimika nenyi eswe evwile sonyi; ni mbunga awahililile ha yuma ya uhenya yize yeswe alingile iye.

Luka 19:37

Shimbu machikundama ku kupalumuka cha mulundu wa Olevwe, chizavu cheswe cha tumbaji twenyi aputukile kuwahilila nikuhalisa Zambi ni liji linene ha yipupu yize yeswe amwene;

Luka 4:39

Iye wamuzulaminyine, wakanjishile kachiki, iye wamukatukile, ni haze hene wahindukile, waavumbikile.

Luka 5:26

Eswe alishikishilile, o achichimiekene Zambi; nikuzala tò ni woma, ngwo, Hitunamono yuma ya yipupu musono uno.

Luka 9:43

O eswe alishimwokene ha ulamba wa Zambi. Ni shimbu eswe akomokene ha yuma yize yeswe alingile, wambile kuli tumbaji twenyi ngwenyi,

Yilinga 11:18

O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.

Galashia 1:24

O achichimiekene Zambi muli yami.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: