Luka 18:4 - MUKANDA USANDU WA ZAMBI 1975

⁴ Alioze ha shimbu linene katayijileko; alioze kulutwe lia chize wambile mu mbunge yenyi ngwenyi, Chipwe chishi kwivwa woma wa Zambi, ni atu chishi kwalemesa;

Mukanda Wa Zambi 1970

⁴ Mwe ngaji yalituna yisuho yinji, alioze mwabwamuze yalihanjikisa ngwenyi: ‘Chamwenemwene Chishi kuvwila Zambi woma, ni Chishi kulemesa mutu niumwe,

Luka 18:4 Iomraidhean Croise

Luka 12:17

Iye wanyongene mu mbunge yenyi ngwenyi, Kuchi mungulinga? Mumu muhela chishi nawo muze mungutulikila mihuko yami.

Luka 16:3

Mba kaselo wambile mu mbunge yenyi ngwenyi, Kuchi mungulinga, mumu mwene wami kanachiza uselo kuli yami? Ngolo ja kulima chishi najo, ngunevu sonyi kuunjila.

Luka 18:2

ngwenyi, Kwapwile umwe sopi mu limwe limbo, yoze kevwile woma wa Zambi, kalemesene atu.

Luka 18:3

Kwapwile nawa twamishi wa pwo mu limbo lize; wejile kanji kuli iye, ngwenyi, Ngukale ha mukwa kole yami.

Luka 20:13

Mwenya munda wambile ngwenyi, Kuchi mungulinga? Ngwami, Mungutuma mwanami, ngunamuzange chikolo; hanji makamulemesa.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?

Akwa Kuyula 14:17

Pwo Walilile kumeso jenyi matangwa eswe shimbiali a muzumbu, mba ha tangwa liamuchishimbiali wamulwezele mumu kanamuketeka chikolo. Pwo yaya, yalweza chijimbikilo kuli akwa chifuchi chenyi.