Luka 18:39 - MUKANDA USANDU WA ZAMBI 1975

³⁹ Waze atetekelele amukanjishile, hanga ahole kulungunga kwenyi; alioze watetele kuhiana chikolo ngwenyi, Mwana David, nguvwile kama keke.

Mukanda Wa Zambi 1970

³⁹ Waze te anatetekela, yamukanjesa ngwo: “Hola!” Alioze yakololoka kuhiana ngwenyi: “Mwana wa David, nguvwile kama keke!”

Luka 18:39 Iomraidhean Croise

Miaso (Masamu) 141:1

Yehova, kunasanyika kuli yena; tambuka ungukwase. Panjika kama ku liji liami muze mungusanyika kuli yena.

Mateu 7:7

Etenu, mba kumanwaha; fupenu, mba kumunuwana; ngongwelenu, mba kumanwazulwila.

Mateu 8:26

Neye yamba kuli ayo ngwenyi, Kuchi te nunevu woma, yenu akwa Ufulielo ukepe? Hohene wakatukile, Wámbilile fuji ni meya, mba kwaholele kúlú.

Mateu 9:27

Muze Yesu apalikile kuze kulutwe, tupuputa aali amukawile, nikukololoka ngwo, Tuvwile kama keke, yena, mwana David.

Luka 11:52

Lamba lienu akwa shimbi! mumu nwachijile sapi ya chinyingi; kunwanjilile yenwene, ni waze apwile nikunjila nwaakwikile.

Luka 18:1

Iye wahanjikile nawa chishima kuli ayo, ngwe chaatamba kulemba matangwa eswe, kanda akalezumuka;

Luka 18:15

O anehene kuli iye nawa ana-akemba jo, hanga ase moko jenyi hali ayo; alioze muze tumbaji achimwene, aakanjishile.

Luka 18:38

Iye wakololokele ngwenyi, Yesu, yena mwana David, nguvwile kama keke.

Luka 18:40

Yesu wamanyine, wambile amunehe kuli iye. Muze te hakundama, wamuhulile ngwenyi,

Luka 19:39

Mba amwe a kuli A-Fwariseu a ku mbunga ambile kuli iye ngwo, Longeshi, kanjisa tumbaji twe.

Luka 8:49

Shimbu te achili nikuhanjika, umwe wa ku zuwo lia mukwa kuyula sunangonga yeza, nikwamba kuli iye ngwenyi, Mwané hafwa, kanda ukatalisa Longeshi nawa.

2 Korintu 12:8

Ha chuma chino naliumbile kuli Mwene katatu, hanga chikatuke kuli yami.