Luka 18:22 - MUKANDA USANDU WA ZAMBI 1975

²² Muze Yesu evwile chino, wambile kuli iye ngwenyi, Hindu chuma chimuwika unahono; lanjisa yize yeswe uli nayo, ukapangile kuli yiswale, ukapwe ni upite mwilu; wize, ungukaule.

Mukanda Wa Zambi 1970

²² Ha kwivwa chino, Yesu yamwamba ngwenyi: “Hindu chimuwika unahono. Lanjisa yeswe yize uli nayo, utetele yiswale mbongo jize, muukabwa ni ubite mwilu. Mba Wize ungukaule.”

Luka 18:22 Iomraidhean Croise

Miaso (Masamu) 27:4

Chuma chimuwika hineta kuli Yehova, chenacho mungufupa; hanga ngukatwame mu zuwo lia Yehova miaka yeswe ya mwono wami. Ngukamone upeme wa Yehova, ngukazewule tembele yenyi.

Mateu 19:21

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Luka 10:42

Alioze chuma chimuwika chinahono, Maria hanatongola chihanda chipema, chize kechi kachichiza kuli iye.

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 16:9

Mba ngunambe kuli yenu ngwami, Litengelenu tusendo a ku upite wa uhenge, hanga muze januhwa, o akanutambule muma mwa kutwama mwa mutolo.

Luka 18:21

Iye ngwenyi, Yino yuma yeswe hingunayifungu chize ku wanuke wami.

Luka 18:23

Alioze muze evwile yino yuma, wevwile chinyengo chinji; mumu wapwile pichi munene.

Luka 9:23

Iye wambile kuli eswe ngwenyi, Kachi umwe mazanga kungukaula, akalikale iye mwene, akazundule kulusu yenyi tangwa ha tangwa, akangukaule.

Filipu 3:13

Mandumbu jami, chishi kulishinginyeka ngwe hingunawane, alioze chuma chimuwika nakulinga, Hakuvulama yuma yize yili kunyima, nakuzoza ku yuma yize yili kulutwe.

2 Petulu 3:8

Alioze kanda nuvulama chuma chino chimuwika, akwetu a zango, ngwe tangwa limuwika kuli Mwene linapu ngwe kanunu ka miaka, kanunu ka miaka kanapu ngwe tangwa limuwika.