Luka 18:11 - MUKANDA USANDU WA ZAMBI 1975

¹¹ Ka-Fwariseu wamanyine nikulemba kuli iye mwene ngwenyi, Zambi, ngunakusakwila yami chapwile ngwe atu akwo, akwa mbenga, yihenge, yitanji, hanji chipwe ngwe yono mukwa kufwetesa lijimu.

Mukanda Wa Zambi 1970

¹¹ Kafariseu yamana ha ukawenyi, yalilembela ngwenyi: ‘Zambi, ngunakusakwila, mumu Chishi ngwe atu akwo: akwa mbenga, ni yihenge, ni yitanji, hanji ngwe yono mukwa kulambwisa lijimu.

Luka 18:11 Iomraidhean Croise

Miaso (Masamu) 134:1

Fumanyisenu Yehova, yenu eswe tuvumbi twa Yehova, yenu nwakumana ha ufuku mu zuwo lia Yehova.

Miaso (Masamu) 135:2

Yenu nwakumana mu zuwo lia Yehova, mu yize ya zuwo lia Zambi.

Yishima 20:6

Mutu mweswe mambulula utu wenyi mwene; alioze mukwa jika iya mahasa kumuwana?

Yishima 30:12

Kuchili chisemuko chakwamba ngwo, Tunapeme. Hindu kaasanyishine luchisa wo.

Izaya 1:15

Muze munuzoza moko jenu, mungunuswekela meso jami; chipwe munulemba lembie-e-e, chichi kunwivwa. Moko jenu hazala ni manyinga.

Izaya 58:2

Hindu kakungufupa tangwa ha tangwa, ni kuwaha ha kunyingika ndako jami, ngwe umwe munyachi wa kulinga ululi, ngwe kambilile shimbi ya Zambi yo. Kakungwita upatwilo wa ululi, kakuwaha ni kukundama kuli Zambi.

Izaya 65:5

Kakwamba ngwo, Twama kwe! Kanda ungukundama mumu hinalihandununa ni yena. Wano kapwa ngwe mwishi mu mazulu jami, ngwe kahia kakuyila tangwa lieswe nganganga.

Jeremia 2:28

Alioze mazambi jenu kuli ali waze nwalilingilile yenwene? Nyi mahasa kunulamwina ha mwaka wa lamba lienu, akatuke! Mumu yena Yunda mazambi je hoka ngwe yihunda ye.

Jeremia 2:35

wakwamba ngwe, Chishi mulonga; utenu wenyi hiwangwecha pundu. Mungukuneha ku upatwilo mumu ha kwamba ngwe, Chavulumwine.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mateu 10:3

Fwilipe, ni Mbatolomeu; Tomase, ni Mateu mukwa kufwetesa lijimu; Tiangu, mwana Alefweu ni Lepeu, jina lienyi likwo, Tateu;

Mateu 5:20

Mumu ngunambe kuli yenu ngwami, Kunuchi kanjila nichimwe mu wanangana wa malilu shina ululi wenu muuhiana uze wa akwa kusonyeka ni A-Fwariseu.

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

Marku 11:25

Ni muze munumana nikulemba, konekenenu akwenu kachi chuma chimwe numuli nacho umwe; hanga Tatenu nawa yoze uli mu malilu, akanukonekene milonga yenu.

Luka 20:47

waze akuwumbula mazuwo ja twamishi ja mapwo, ni ha ulembekese kakulemba yipinji yisuku: wano kumakatambula uhiso wahiana.

Luka 22:41

Iye wasosolokele kuli ayo chipinji ngwe kukonga cha liwe; iye waliumbile ha makungunwa nikulemba ngwenyi,

Galashia 3:10

Mumu waze eswe a ku yitanga ya shimbi, kushi lia shingo ali: mumu chinasonewa ngwo, Kashingiwa mweswe keshi kunyongonona mu yuma yize yeswe yinasonewa mu mukanda wa shimbi mukuyilinga.

Filipu 3:6

Ha kutwala ku kulinga ni mbunge yeswe nahungumionene chikungulwila; ha kutwala ku ululi uze uli mu shimbi, te chishi chitela.

Usolwelo 3:17

Mumu yena wakwamba ngwe, Nguli pichi, hingunapichi upite, chishi kuhona nichimwe; kwanyingikine yena uli mwe mukwa kulungajala, ni mukwa hunya, ni chiswale, ni kapuputa, ni uselesele uli nawo.