Luka 17:26 - MUKANDA USANDU WA ZAMBI 1975

²⁶ Chizechene ngwe kwapwile ha matangwa ja Noe, chocho nawa muchikapwa ha matangwa ja mwe Mwana Mutu.

Mukanda Wa Zambi 1970

²⁶ Ngwe chize chabwile ha matangwa ja Noa Chenacho muchikabwa nawa ha matangwa ja Mwana Mutu.

Luka 17:26 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Ubutukilo 6:8

Alioze Noe wawanyine vumbi kumeso ja Yehova.

Izaya 22:13

alioze kumanyi uwahililo ni chiseke, ni kushiha ngombe ni mapanga, ni kulia yifwo ni kunwa vinyu ngwo, Tulienu, tunwenu, mumu hamene mutufwa.

Luka 17:22

Iye wambile kuli tumbaji twenyi ngwenyi, Matangwa kumakeza muze munukevwa usona wa kumona limwe lia ku matangwa ja mwe Mwana Mutu, alioze kunuchi kalimona.

Luka 17:24

Mumu chizechene ngwe muhenyo muze muuhenya, muupanguka sali ni sali ya malilu; chocho mwe Mwana Mutu makapwa ha tangwa lienyi.

Luka 17:27

Alile, anwine, ambachile, ahangishile ku malo, ndo tangwa lize Noe wanjilile mu ulungu, ni sanga lia meya liejile, likonwone eswe.

Luka 17:7

Alioze iya hakachi kenu, mapwa ni ndungo yenyi kanachipi ni sharua, hanji kanafungu mapanga, muze meza ku zuwo ha kukatuka ku munda, mamba ngwenyi, Tweya kamunomuno, Utwame ku mesa;

Luka 18:8

Ngunambe kuli yenu ngwami, Kumakaakala nikawashi. Alioze muze mwe Mwana Mutu meza, makawana Ufulielo hano hashi, nyi?

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

2 Petulu 2:5

Iye kavwilile keke akwa hashi ha shakulu, aiioze wafungile hamwe ni shimbiali akwo, Noe, kanganda ka ululi, muze anehene sanga lia meya hashi hali yitanganyanyi.

2 Petulu 3:6

kuli ayo hashi hakulu, se liazalile ni sanga lia meya, hatokele.