Luka 17:25 - MUKANDA USANDU WA ZAMBI 1975

²⁵ Alioze hatangu chamutamba kwivwa lamba linji, akalituneye ku chisemuko chino.

Mukanda Wa Zambi 1970

²⁵ Alioze hatangu chamutamba kumona lamba linji, ni kulituna ye kuli atu ja mwakono.

Luka 17:25 Iomraidhean Croise

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 21:42

Yesu ngwenyi, Kunwatangile nilimwe tangwa mu yisoneko, nyi? Ngwo, Liwe lize alitunyine tungi, Lienalio kuliapwa liwe lia helu lia mbango; Chino cha kuli Mwene, Necho chikomokeso kumeso jetu.

Marku 10:33

Ngwenyi, tunakanduka ku Yerusaleme; kumakakunjika mwe Mwana Mutu kuli asasendote akwa lutwe ni akwa kusonyeka; o kumakamuhisa akafwe, kumakamukunjika kuli akwa mavungu:

Marku 12:10

Kunwatangile chipwe chisoneko chino ngwo, Liwe lize alitunyine tangi, Kuliapwa liwe lia helu lia mbango;

Marku 8:31

Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke.

Marku 9:31

Mumu walongesele tumbaji twenyi, nikwamba kuli ayo ngwenyi, Makunjika mwe Mwana Mutu ku moko ja atu, o makamushiha, ni muze hamushiha, kulutwe lia matangwa atatu kumakahinduka.

Luka 18:31

Iye watwalile kumi ni aali ku tenga kuli iye mwene; wambile kuli ayo ngwenyi, Talenu, mutukanduka ku Yerusaleme, ni yuma yize yeswe yinasonewa ku moko ja aprofeta kumuyikamanunuka kuli mwe Mwana Mutu.

Luka 18:33

o makamulamba ni shikote, makamushiha; ni ha tangwa liamuchitatu kumakahinduka.

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Luka 9:22

Ngwenyi, Chatamba mwe Mwana Mutu kwivwa lamba linji, akalituneye kuli makulwana, ni asasendote akwa lutwe, ni akwa kusonyeka, akamushihe, ni ha tangwa liamuchitatu akahinduke.

Yoano 1:11

Wejile ku yuma yenyi mwene, ni atu jenyi mwene kamutambwileko;

Yoano 12:38

hanga liji lia profeta Izaia likamanunuke, lize ambile ngwenyi, Mwene, iya hanafuliela sango lietu? Kuli iya kwoko lia Mwene hilinasoloka?

1 Samuel 10:19

Hindu tangwa lino lia musono hinwalituna Zambi yenu mukwa kunulamwina ku luyinda wenu mweswe ni lamba lienu lieswe, nikwamba kuli iye ngwenu, Hi chocho ko, alioze nutusele mwanangana kutuyula. Kashika solokenu kumeso ja Yehova nikulita ni minyachi yenu ni tununu twenu.

1 Samuel 8:7

Yehova yamba kuli Samuel ngwenyi, Panjika kuli atu, liji lieswe makwamba, mumu kalitunyine yena, alioze yami analitunu. Kazangile ngupwe mwanangana wo.