Luka 17:22 - MUKANDA USANDU WA ZAMBI 1975

²² Iye wambile kuli tumbaji twenyi ngwenyi, Matangwa kumakeza muze munukevwa usona wa kumona limwe lia ku matangwa ja mwe Mwana Mutu, alioze kunuchi kalimona.

Mukanda Wa Zambi 1970

²² Mba yambila tumbaji ngwenyi: “Matangwa maakeza muze munukazanga kumona limwe tangwa lia Mwana Mutu, alioze kunuchi kalimona.

Luka 17:22 Iomraidhean Croise

Mateu 9:15

Yesu wambile kuli ayo ngwenyi, Akwa ulungi mahasa kulinyenga shimbu sandungi mapwa hamwe no, nyi? Alioze matangwa kumakeza muze makachiza sandungi kuli ayo, mba hohene makalitwamina kulia.

Marku 2:20

Alioze matangwa kumakeza muze makachiza sandungi kuli ayo, mba makalitwamina kulia ha matangwa aze.

Luka 13:35

Talenu, zuwo lienu kalihichika kuli yenu hahululu. Ngunambe kuli yenu ngwami, Kunuchi kangumona ndo munwamba ngwenu, Kawaha yoze uneza mu jina lia Mwene.

Luka 5:35

Alioze matangwa makeza muze makachiza sandungi kuli ayo, hohene makalitwamina kulia ha matangwa aze.

Yoano 12:35

Yesu kashika wambile kuli ayo ngwenyi, Hindu shimbu likepe nawa pangu lichili hakachi kenu. Endenu shimbu nuli ni pangu, hanga milima kuyichi kanuwana; ni yoze menda mu milima kanyingikine kuze maya.

Yoano 13:33

Ana akepe, shimbu likepe wika yami nguli hamwe ni yenu. Kumunukangufupa: chizechene ngwe nambile kuli A-Yunda ngwami, Kuze munguya yami, yenu kunwahashile kuyako: chocho ngunambe kuli yenu haliapwila.