Luka 17:20 - MUKANDA USANDU WA ZAMBI 1975

²⁰ Muze A-Fwariseu amuhulile mwaka uze wanangana wa Zambi muwiza. Waakumbulwile ngwenyi, Wanangana wa Zambi kuushi kwiza ha kulayila.

Mukanda Wa Zambi 1970

²⁰ Amwe Afariseu yaahula Yesu ngwo: “Wanangana wa Zambi shimbu lika muukeza?” Neye ngwenyi: “Wanangana wa Zambi kuushi kwiza ni yinyingi yakuulayila.

Luka 17:20 Iomraidhean Croise

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Luka 10:11

Chipwe fufuta ya ku limbo lienu, yize yakulalaminya ku yihato yetu, tunakukumwina hali yenu; hindu nyingikenu chino, wanangana wa Zambi hiunakundama.

Luka 14:1

Shimbu machinjila mu zuwo lia umwe mukwa kuyula a kuli A-Fwariseu, ha tangwa lia Sambata hanga alie mbolo, o te kanamulayila.

Luka 16:16

Shimbi ni aprofeta apwile ndo kuli Yoano; chize ku mwaka uze, kanambulula sango lipema lia wanangana wa Zambi, ni mweswe kananjilamo ni tachi.

Luka 19:11

Alioze shimbu machipanjika ku yino yuma, wawezele kutela chishima, mumu apwile hakamwihi ni Yerusaleme, mumu ashinginyekene ngwo, Wanangana wa Zambi himuusoloka.

Yoano 18:36

Yesu wakumbulwile ngwenyi, Wanangana wami hi wa hashi ko: kachi wanangana wami muupwa wa hashi, kachi tumbaji twami malitachika, hanga kechi kangukunjika kuli A-Yunda: alioze haliapwila wanangana wami hi wa hano ko.