Luka 16:9 - MUKANDA USANDU WA ZAMBI 1975

⁹ Mba ngunambe kuli yenu ngwami, Litengelenu tusendo a ku upite wa uhenge, hanga muze januhwa, o akanutambule muma mwa kutwama mwa mutolo.

Mukanda Wa Zambi 1970

⁹ Yesu yaweza ho ngwenyi: “Yami ngunanwambe ngwami, lingilenu ni ubite wa hano hashi ha kubwa ni masepa, hanga muze kunushi ni chikala nawa cha ubite, akanutambule muma mwa miaka yeswe.

Luka 16:9 Iomraidhean Croise

Miaso (Masamu) 73:26

Musunya wami ni mbunge yami yakulezumuka, alioze Zambi iye tachi ja mbunge yami. Iye chihanda chami ku miaka ya mutolo.

Yishima 14:24

Chipangula cha akwa mana, upite wo; alioze uhepuke wa yihepuke hi uhepuke wika.

Yishima 19:17

Mukwa kuvwila keke yiswale kakuhana kuli Yehova; chitanga chenyi chipema mamukundululacho.

Yishima 23:5

Musela meso je ku chuma chize kuchishiko, nyi? Mumu chamwenemwene upite wakulisokela mapulwa. Wapwa ngwe pupa yoze wakuhumuka kwilu.

Longeshi 11:1

Mbila mbolo ye ha meya, mumu muyiwana nawa kulutwe lia matangwa anji.

Izaya 57:16

Mumu chichi kalitachika miaka yeswe, chipwe kutenuka, chichi katenuka matangwa eswe. Kuli yami kwakatuka spiritu ni yami mwene natangile mwiku wa mwono.

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Mateu 19:21

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Mateu 6:19

Kanda nutulika upite hano hashi, haze ndulu ni ngengeya kuyakuvungula; haze eji kakulokola mazuwo nikwiya.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 14:14

mba kumukawaha, mumu o keshi nayo yize ya kukukundulula; mumu mukachitambula ha uhindukiol wa akwa ululi.

Luka 16:11

Kashika kachi kunwapwile amwenemwene ni upite wa uhenge, iya makunjika kuli yenu upite wamwenemwene?

Luka 16:13

Ngamba niumwe mahasa kulingila miata aali, mumu chipwe mavwila kole umwe, akazange mukwo; hanji makakaminya kuli umwe, akalelese mukwo. Kunwahashile kulingila Zambi nikulingila upite nawa.

Luka 16:4

Ngunanyingika chize mungulinga, hanga muze mangukatwisa ku uselo, akangulambule mu mazuwo jo.

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Yilinga 10:4

Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;

Yuda 1:21

Lifungenu mu zango lia Zambi, nikutalatala keke ya Mwene wetu Yesu Kristu ndo ku mwono wa mutolo.