Luka 16:8 - MUKANDA USANDU WA ZAMBI 1975

⁸ Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

Mukanda Wa Zambi 1970

⁸ Mwata wa kaselo yoze wa uhenge yamuchichimieka mumu walingile ni ukanyame. Mumu akwa hashi hano kaakukanyama ha milonga mukachi ko kuhiana akwa pangu.”

Luka 16:8 Iomraidhean Croise

Ubutukilo 3:1

Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi?

2 Samuel 13:3

Alioze te kali ni umwe sepa, jina lienyi Jonadabe mwana wa Shimea, yayo ya David. Yono Jonadabe mukwa malinjekela anji.

1 MIANANGANA 10:19

Kashika Sanyikenu kuli yami aprofeta eswe a Mbale, ni akwa kumuwayila eswe, ni asasendote jenyi eswe; niumwe kanda ahonako, mumu mungushiha mulambu unene kuli Mbale. Mweswe mahonako kechi kutwama ni mwono. Alioze Jehu yachilinga ni mana hanga akonwone akwa kuwayila Mbale.

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Kutuhuka 1:10

Tuyenu, tulinge kuli ayo ni mana kuchina moka, mumu kachi mukupwa jita, o makalifutula ni akwa kole jetu, akaliase ni yetu mba kumakakatuka ku chifuchi.

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Mateu 12:32

Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mateu 17:26

Muze ambile ngwenyi, Kuli yilambala, Yesu wambile ngwenyi, Kashika ana kanatusuka.

Luka 16:10

Yoze mapwa wamwenemwene ni chikepekepe, mapwa wamwenemwene nawa ni chinji: ni yoze mahengesa ni chikepekepe, mahengesa ni chinji.

Luka 16:4

Ngunanyingika chize mungulinga, hanga muze mangukatwisa ku uselo, akangulambule mu mazuwo jo.

Luka 16:7

Kulutwe wambile kuli mukwo ngwenyi, Ni yena, kongo lika uli nalio? Iye wambile ngwenyi, Kulakaji lia njongo ja tiliku. Yamba kuli iye ngwenyi, Anda mukanda we, Usoneke ngwe, Makumi nake.

Luka 18:6

Mwene wambile ngwenyi, Ivwenu chize anambe sopi wa uhenge.

Luka 20:34

Yesu wambile kuli ayo ngwenyi, Akwa mwaka uno, kakumbata, kakuhangisa malo:

Luka 20:35

alioze waze maamona kutela azuke chihanda ha mwaka uze muwizaho ni uhindukilo hakachi ka afu, chipwe keshi kumbata chipwe keshi kuhangisa malo:

Yoano 12:36

Shimbu nuli ni pangu, fulielenu pangu, hanga nukapwe ana a pangu. Yino yuma ahanjikile Yesu, mba yakatuka, yaswama kuli ayo.

1 Korintu 3:18

Niumwe kanda ahonga nichimwe. Kachi umwe malishinginyeka kupwa mukwa mana hakachi kenu ha mwakono, apwe chihepuke, hanga akapwe mukwa mana.

Efesu 5:8

Mumu yenu nwapwile milima ha miaka ya kunyima, alioze haliapwila nuli pangu muli Mwene: endenu chizechene ngwe akwa pangu,

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.

1 Tesalonika 5:5

Mumu yenu eswe nuli akwa pangu, akwa mwalwa: hi tuli akwa ufuku ko, chipwe akwa milima, ka.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.