Luka 16:29 - MUKANDA USANDU WA ZAMBI 1975

²⁹ Alioze Apalahama yamba kuli iye ngwenyi, Mikanda ya Mose ni ya aprofeta kali nayo, akayivwe.

Mukanda Wa Zambi 1970

²⁹ Abrahama ngwenyi: ‘Anakwenu kaali ni mikanda ya Mose ni ya akwa munanyi a Zambi ha kwatoweza, aabanjike.’

Luka 16:29 Iomraidhean Croise

Izaya 34:16

Fupenu nukatange mu mukanda wa Yehova; niumwe hakachi ka wano mahona, niumwe chihwo mahona kuji yenyi. Mumu kanwa lia Yehova hiliachituma ni Spiritu yenyi hanaakongo.

Izaya 8:20

Tuyenu ku lie longeso ni ye Shindakenyo! Nyi kahanjikile nikulita ni liji lino mba kuvumbuka cha tangwa kuchishiko kuli ayo.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Luka 16:16

Shimbi ni aprofeta apwile ndo kuli Yoano; chize ku mwaka uze, kanambulula sango lipema lia wanangana wa Zambi, ni mweswe kananjilamo ni tachi.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Luka 4:17

Mba amukunjikile mukanda wa profeta Izaia, iye wapakwile mukanda, wawanyine kuze asonekene ngwo,

Yilinga 15:21

Mumu Mose chize ku yisemuko ya shakulu, mu membo eswe kali ni waze akumwambujola, se kakumutanga mu masunangonga eswe ha masambata eswe.

Galashia 4:21

Ngwambulwilenu, yenu, nwakuzanga kupwa kushi lia shimbi, shimbi kunushi kuyivwa, nyi?