Luka 16:26 - MUKANDA USANDU WA ZAMBI 1975

²⁶ Mba kuweza ku yino yuma yeswe, mukachi ka yetu ni yena mbongo yinene kuyakola; hanga waze mazanga kukatuka kuno akaye kuli yena kechi kuhasa, chipwe waze mazanga kukatuka koko akeze kuli yetu, kechi kuhasa.

Mukanda Wa Zambi 1970

²⁶ Chikwo nawa, mbongo yinene yili mukachi ketu, waze maazanga kubalika koko kuli yenu keechi kuhasa. Chibwe umwe wa koko kechi kuhasa kuzauka kuno kuli yetu.’

Luka 16:26 Iomraidhean Croise

Miaso (Masamu) 49:14

Ngwe mapanga Zambi hanaasela Shiole. Kufwa muchipwa kafunga ko. Mu kucha akwa ululi makaayula. Upeme wo muuhwa mu Shiole; chihela chawo chakuhi.

Miaso (Masamu) 50:22

Zewulenu chuma chino, yenu nwakuvulama Zambi, kuchina mungunupapulula ni yoze manupulula wakuhi.

Ezekiel 28:24

Ha kutwala kuli akwa munyachi wa Izalele kukuchi kapwa nawa mukalale kwahowa, hanji lumbimbo kwalemeka hakachi ka waze eswe anaajingilika, waze te hanaalelesa. Henaho makanyingika yami nguli Mwene Yehova.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Luka 12:59

Ngunambe kuli yenu ngwami, Kuchi katuhukamo nichimwe ndo hiwafweta chipwe kalumbongo ka kusula.

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Luka 16:27

Iye wambile ngwenyi, Ngunakulembe, kaka, umutume kama ku zuwo lia tata.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Usolwelo 20:10

Ni Ndiapu yoze waapiangwile amunyashine mu Chitende cha kahia ni fundanga, muze ali nawa ngongo ni profeta wa kwonga; kumakaamwesa lamba mwalwa ni ufuku ndo ku miaka yeswe ya mutolo.

Usolwelo 22:11

Ngwami, Yoze wakulinga uhenge, akalinge uhenge nawa; ni mukwa majilo, akalipwise mukwa majilo nawa; ni mukwa ululi, akalinge ululi nawa; ni musandu, akapwe musandu nawa.

1 Samuel 25:36

Abigale wejile kuli Nabale, iye te halinga muzumbu mu zuwo lienyi, ngwe muzumbu wa mwanangana. Mbunge ya Nabale te yinawahilila chinji mumu kanazengewa chikolo. Kashika kamulwezele nichimwe ndo hikwacha.