Luka 16:25 - MUKANDA USANDU WA ZAMBI 1975

²⁵ Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Mukanda Wa Zambi 1970

²⁵ Alioze Abrahama ngwenyi: ‘Mwanami, iwuluka ngwe, yena watambwile yuma yibema ha matangwa ja mwono we, alioze Lazaru lamba linji amwene. Haliabwila kanamulembejeka hano, alioze yena uli mu ubinjilo.

Luka 16:25 Iomraidhean Croise

Jobe 22:18

Hindu aye wazalishile mazuwo jo ni yuma yipema; yiyulo ya yingulungulu yapwa kusuku ni yami.

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Miaso (Masamu) 49:11

Kakuzanga mu mbunge jo hanga mazuwo jo ukalinduluke ku miaka ya mutolo, ni yihunda yo yikalinduluke ku yisemuko yeswe. Mavu jo kakwalukaluka majina jo.

Miaso (Masamu) 73:7

Meso jo kakututumioka ni maji. Yuma ali nayo kuhiana mbunge ya mutu muyihasa kunyonga.

Lungungu 1:7

Ha matangwa a luyinda wenyi ni usasu wenyi, Yerusaleme kanewuluka yuma yeswe yilemu apwile nayo chize ku shakulu. Muze atu jenyi alimbukile mu kwoko lia mukwa kulimika, kukwapwile niumwe kumukwasa. Mukwa kulimika wamusehele, ni kumulenya ha kulimbuka chenyi.

Daniel 5:30

Ufuku uze wene Beleshazare mwanangana wa Kaletea amushihile.

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Marku 9:45

Nyi kachi kulu lie mulikutalingisa, liteteko: Shinaho unjile mu mwono chilema, kuchina nikupwa ni molu aali akakumbile mu Ngehena, mu kahia kaze kukeshi kuhasa kujima,

Luka 16:20

Kwapwile nawa umwe chiswale, jina lienyi Lazaru, amutumbikile kushi lia senge lia ku chikolo chenyi wa tò ni yilonda.

Luka 16:23

Iye mu Heteze yahetula meso jenyi mu upinjilo, yamona Apalahama kusuku ni Lazaru mu kondo yenyi.

Luka 16:26

Mba kuweza ku yino yuma yeswe, mukachi ka yetu ni yena mbongo yinene kuyakola; hanga waze mazanga kukatuka kuno akaye kuli yena kechi kuhasa, chipwe waze mazanga kukatuka koko akeze kuli yetu, kechi kuhasa.

Luka 6:24

Alioze lamba lienu, yenu pichi! mumu hinunatambula kulembejeka chenu.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

A-ROMA 8:7

Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela;

Shimbi 28:17

Mitonga yenu muyikashingiwa, ni mboke jenu ja kuchikilamo.

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.

1 Tesalonika 3:3

kuchina amwe makokoloka mu luyinda yono, mumu nunanyingika yenwene hanatusela ku chino.

Hebreu 11:25

Watongwele Shinaho kwivwa lamba hamwe ni atu a Zambi, katongwele kuwaha cha shili ha shimbu likepe.

1 Yoano 2:15

Kanda nuzanga hano hashi, chipwe yuma yize yili hano hashi. Kachi umwe mazanga hano hashi, kachi zango lia Tata kulishimo muli iye.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.