Luka 16:20 - MUKANDA USANDU WA ZAMBI 1975

²⁰ Kwapwile nawa umwe chiswale, jina lienyi Lazaru, amutumbikile kushi lia senge lia ku chikolo chenyi wa tò ni yilonda.

Mukanda Wa Zambi 1970

²⁰ Yikubwa nawa umwe chiswale, jina lienyi te Lazaru, mujimba wenyi weswe yiubwa wa yilonda ha yilonda. Atu te kaakumubombesa kulutwe lia chikolo cha pichi.

Luka 16:20 Iomraidhean Croise

Jobe 2:7

Chocho Satana yakatuka kumeso ja Yehova; yalamba Jo ni mahute api, chize ku yiliato ndo ku mbanda-mutwe.

Miaso (Masamu) 34:19

Mukwa ululi luyinda munji akwete, alioze Yehova kakumupulula ku luyinda wenyi mweswe.

Miaso (Masamu) 73:14

Mumu tangwa lieswe nganganga kakungupinjisa, nikungufumba chimene ha chimene.

Izaya 1:6

Chize ku chiliato ndo ku mutwe niumwe ungunu kuushiko, alioze yindundwola, ni yilonda, ni mbandu ja kuhita manyinga jize kanda ajipalakenya chipwe kujichika, chipwe kujovulisa ni maji.

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Mateu 26:71

Muze te hatuhuka haze mushi lia senge, mukwo wamumwene, yamba kuli waze apwileko ngwenyi, Yono nawa kapwanga hamwe ni Yesu Ka-Nazare.

Luka 16:19

Achi, kwapwile umwe pichi, iye wazalile mahina ja ufungo ni linyu lipema, nikutwama ni usehejelo ni uhenya tangwa ha tangwa.

Luka 16:21

Iye wevwile usona wa kulikuchisa ni yifwenyufwenyu yize yaholokele ku mesa ya pichi; chipwe tuwa ejile nikulesa yilonda yenyi.

Yoano 11:1

Achi, umwe mutu wayijile, Lazaru wa ku Mbetaniya, wa ku chihunda cha Maria ni yayo Marta.

Yilinga 3:2

Mba umwe lunga, chilema chize ku jimo lia naye, apwile nikumumbata, nikumusela tangwa ha tangwa ku chikolo cha tembele, jina liacho, Chipema, mukwita yawana kuli waze manjila mu tembele;

Tiangu (Jake) 1:9

Alioze ndumbu mukehe akalisambe muze mamulemesa:

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

1 Samuel 2:8

Kakuchiza chiswale ku fufuta; kakuchiza mukwa kuhona hakachi ka chichilila cha uto nikumunangamisa akatwame hakachi ka alemu, akaswane ngunja ya ulemu. Mumu manguji a hashi a mbala a Yehova, mba iye hakoleselaho he hashi.