Luka 16:2 - MUKANDA USANDU WA ZAMBI 1975

² Iye wamutambikile, wambile kuli iye ngwenyi, Acho, chika ngunevu hali yena? Lumbununa uselo we, mumu kushi kuhasa kupwa kaselo nawa.

Mukanda Wa Zambi 1970

² Mwe mwata yamuhula ngwenyi: ‘Acho chika ngunevu hakutwala kuli yena? Ngulumbunwine uselo we, mumu kuuchi kuhasa kubwa nawa kaselo kami.’

Luka 16:2 Iomraidhean Croise

Longeshi 12:14

Mumu Zambi makokela chitanga cheswe ku usopelo, ni chuma cheswe cha kuhengama, chipwe chipema, chipwe chipi.

Mateu 12:36

Alioze ngunambe kuli yenu ngwami, Liji lieswe liamokomoko lize atu mamba, kumakalilumbununa ha tangwa lia upatwilo.

Mateu 20:8

Muze hapwile chingoloshi, mwenya munda yamba kuli kafufuchi kenyi ngwenyi, Tambika akwa milimo, ukaafwete. Putuka kuli mukwa kusula ndo kuli atangu.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Luka 12:42

Mwene ngwenyi, Iya kevwe kaselo wamwenemwene, wa kukanyama, yoze mwene wenyi masa helu lia akwa zuwo lienyi, mukuhana njongo yo ya kulia ha mwaka wayo?

Luka 16:1

Iye wambile nawa kuli tumbaji twenyi ngwenyi, Kwapwile umwe pichi, wapwile ni kaselo; iye amusumine ngwo, Kanamwange yikumba ye.

Luka 16:3

Mba kaselo wambile mu mbunge yenyi ngwenyi, Kuchi mungulinga, mumu mwene wami kanachiza uselo kuli yami? Ngolo ja kulima chishi najo, ngunevu sonyi kuunjila.

A-ROMA 14:12

Chocho kevwe mutu ni mutu wa kuli yetu kumakalumbununa ha kutwala kuli iye mwene kuli Zambi.

1 Korintu 1:11

Mumu hanangulwezecho ha kutwala kuli yenu, mandumbu jami, kuli akwa zuwo lia Choe, ngwo, Kuchili kulihangujola hakachi kenu.

1 Korintu 4:2

Mba hali tuselo chatamba kwawana amwenemwene.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

1 Timoteu 4:14

Kanda ukalengulula chawana chize chili muli yena, chize hanakwehe ku uprofeto, hamwe ni kusayika cha moko ja makulwana.

1 Timoteu 5:24

Milonga ya atu amwe yinasoloka liakulu, nikutetekela ku upatwilo; ni yize ya atu amwe yinakaula kunyima.

1 Petulu 4:10

Mweswe nikulita ngwe hanatambula chawana cha vumbi, alinge nacho umwe kuli mukwo ni mukwo, ngwe tuselo apema a vumbi lieka ni lieka lia Zambi.

1 Petulu 4:5

Wano kumakalumbununa kuli yoze himapatwila a mwono ni afu.

Usolwelo 20:12

Namwene afu, anene ni akepe, kanamana kulutwe lia ngunja; apakwile mikanda, mba apakwile mukanda ukwo, uze wa mwono: apatwilile afu ku yuma yize yasonewene mu mikanda, nikulita ni yitanga yo.