Luka 16:19 - MUKANDA USANDU WA ZAMBI 1975

¹⁹ Achi, kwapwile umwe pichi, iye wazalile mahina ja ufungo ni linyu lipema, nikutwama ni usehejelo ni uhenya tangwa ha tangwa.

Mukanda Wa Zambi 1970

¹⁹ “Yikubwa umwe pichi te wakuzala mahina a lubula, a ubite unji. Tangwa ha tangwa te kakusehejela ha yiteleka yibema.

Luka 16:19 Iomraidhean Croise

Estere 8:15

Mordekai aye yakatuka kumeso ja mwanangana ni mazalo a wanangana alauluka ni atoma ni chipangula chinene cha oru, ni hina lia ngungu lia linyu lipema ni lia ufungo. Ni akwa chihunda cha Shushane yalikwiza ni chiseke.

Yishima 14:24

Chipangula cha akwa mana, upite wo; alioze uhepuke wa yihepuke hi uhepuke wika.

Yishima 31:22

Kakulilingila tunyime a kuseleka; mazalo jenyi apwa a linyu ni hina lia ufungo.

Izaya 3:23

ni mazalo a wanda, ni a linyu, ni matepa, ni manda.

Ezekiel 16:13

Chocho wapemene ni oru ni prata, ni mazalo je apwile a linyu lipema, ni seda, ni mahina a mbordado. Walile wunga wafufunuka, ni wuchi, ni maji; wapemene chikolo; walumukine mwanangana wa pwo.

Ezekiel 16:49

Uhie wa mwanakwenu Sondome uno: aye ni anenyi a mapwo endele nikulengumuka, ni kukuta ni kulia chinji, ni kuhwima ni kulu-mbama cha kuwaha, alioze kakwashile yiswale ni akwa kuhona.

Ezekiel 27:7

Hina lia kwendesa liapwile lia linyu lipema lia ku Engitu lia mbordado; liapwile nawa lia mbandeira. Hina lie lia chifuko liapwile lilauluka ni lia ufungo lia ku mbaka ja Elisha.

Marku 15:17

O yamujika hina lia ufungo, yamuyinjila chipangula cha mbimbo, yachisa ha mutwe wenyi.

Marku 15:20

Muze te hamukekuna, yamuzula hina lia ufungo, yamujika mahina jenyi. O yamutwala haze mukumuhachila ha kulusu.

Luka 15:13

Mba kulutwe lia matangwa akepe, mwe kanuke wakungile yeswe, wakatukile akaye mu wenyi ku chifuchi kusuku, ni kuze wamwangine yikumba yenyi nikuhungumuka ni yipi.

Luka 16:1

Iye wambile nawa kuli tumbaji twenyi ngwenyi, Kwapwile umwe pichi, wapwile ni kaselo; iye amusumine ngwo, Kanamwange yikumba ye.

Luka 16:18

Mweswawo malakula mukwo-pwo, mambata weka, malinga utanji; ni mweswawo mambata yoze hanamulakula kuli mukwo-lunga, malinga utanji.

Luka 16:20

Kwapwile nawa umwe chiswale, jina lienyi Lazaru, amutumbikile kushi lia senge lia ku chikolo chenyi wa tò ni yilonda.

Usolwelo 17:4

Ni pwo wazalile mahina ja ufungo ni ngengu, walejimine ni oru, ni mawe alemu, ni kakanga, kali ni musenge wa oru mu kwoko lienyi unazala ni yizelwokeso, te yuma ya luchisa ya utanji wenyi.

Usolwelo 18:16

nikwamba ngwo, Mama yami! Mama yami! Lie limbo linene lize liazalile mahina a linyu lipema ni a ufungo ni ngengu, lialejimine ni oru ni mawe alemu ni kakanga!

Usolwelo 18:7

Ku chize cheswe hanalichichimieka, ni chize hanahungumuka ni yipi, chocho kuhiana mwehenu kupinda ni kunenganyana, mumu kanambe mu mbunge yenyi ngwenyi, Nakutwama mwananganawa-pwo, hi nguli twamishi ko, chichi kamona kunenganyana nichimwe.

Akwa Kuyula 8:26

Pezu ya yingelengele ya oru echile yapwile kanunu ka shekele ni kulakaji shimbiali a shekele ja oru helu lia yingelengele ni mazalo a ufungo yeswe ya kuzala mianangana a Mindiane, ni helu lia malenge a oru apwile ku kota ja tumelu two.