Luka 16:15 - MUKANDA USANDU WA ZAMBI 1975

¹⁵ Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Mukanda Wa Zambi 1970

¹⁵ Yesu yaamba ngwenyi: “Yenu nuli waze akulisambisa ku meso ja atu, alioze Zambi kananyingika mbunge jenu. Mumu yize akunyonga atu ngwo, yilemu, ku meso ja Zambi yili yamokomoko.

Luka 16:15 Iomraidhean Croise

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

2 Sango Ja Mianangana 6:30

hipanjika yena mwilu watwama ukaakonekene, ni kuhana kuli mutu mweswe nikulita ni ndako jenyi jeswe, mbunge yenyi unanyingika; (mumu yena wika ukawe unanyingika mbunge ja ana ja atu eswe)

Miaso (Masamu) 10:3

Mumu chingulungulu kakulivwimba ha chize mbunge yenyi kuyakuzanga; kakuwahisa mukwa kuzo; kakulelesa Yehova.

Miaso (Masamu) 49:13

Yino jila yo yapwa uhepuke wo, hindu kulutwe atu matayiza yambo yo.(Litulike.)

Miaso (Masamu) 49:18

Chipwe wawahishile mbunge yenyi shimbu atwamine ni mwono, (mba atu makuchichimieka nyi waliwahisa yena mwene.)

Miaso (Masamu) 7:9

We ungulungulu wa yingulungulu ukahwe lume, alioze jikijisa mwe mukwa ululi; mumu mwe Zambi ya ululi kakweseka kunyonga cheswe cha mbunge.

Yishima 16:5

Mweswe mukwa kulengumuka mu mbunge kapwa chizelwokeso kuli Yehova; chipwe malikwata kwoko ni kwoko hindu kechi kasamba.

Yishima 20:6

Mutu mweswe mambulula utu wenyi mwene; alioze mukwa jika iya mahasa kumuwana?

Yishima 21:2

Jila yeswe ya mutu yinapeme ku meso jenyi mwene, alioze Yehova kakupezalisa mbunge.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Malaki 3:15

Haliapwila mutumona ngwe kawaha akwa kulizata. Akwa kulinga chipi kakuwaha, ni chikwo nawa muze meseka Zambi kakulilamwina.

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mateu 6:2

Kashika muze muhana yawana, kanda ukemba chitavwi kulutwe lie, ngwe yilembese akulinga mu masunangonga ni mu mikombwelo, hanga akaachichimieke kuli atu. Pundu ngunambe kuli yenu ngwami, Hanatambula kwononona cho.

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

Luka 10:29

Alioze iye, nikuzanga kulisambisa, wambile kuli Yesu ngwenyi, Mba mwenyembo wami iya?

Luka 11:39

Alioze Mwene wambile kuli iye ngwenyi, Achi, yenu A-Fwariseu nwakupemesa haze lia musenge ni lia panda; alioze muchima lienu munazala ni mbenga ni ungulungulu.

Luka 18:11

Ka-Fwariseu wamanyine nikulemba kuli iye mwene ngwenyi, Zambi, ngunakusakwila yami chapwile ngwe atu akwo, akwa mbenga, yihenge, yitanji, hanji chipwe ngwe yono mukwa kufwetesa lijimu.

Luka 18:14

Ngunambe kuli yenu ngwami, Yono wapalumukine ku zuwo lienyi mukwa kusamba, hi mukwo ko. Ni mweswe malinangamisa makanuhetesa; alioze yoze malilelesa kumakamunangamisa.

Luka 18:21

Iye ngwenyi, Yino yuma yeswe hingunayifungu chize ku wanuke wami.

Luka 18:9

Iye watele nawa chishima chino kuli amwe waze afulielele ayo ene ngwo, Tuli akwa ululi, apwishile amokomoko akwo eswe, ngwenyi,

Luka 20:20

O amulayilile, atumine ngendeshi, waze aliongele kupwa akwa ululi, hanga akamulimbe ni kuhanjika chenyi, hanga akahase kumukunjika ku chiyulo ni poko ya nguvulu.

Luka 20:47

waze akuwumbula mazuwo ja twamishi ja mapwo, ni ha ulembekese kakulemba yipinji yisuku: wano kumakatambula uhiso wahiana.

Yoano 2:25

kafupile umwe ashindakenye hali atu; mumu iye mwene wanyingikine chize chili muli atu.

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yilinga 1:18

(Achi yono walanjile munda ni kwononona cha uhenge wenyi; iye nikuholokela yololo hashi, wamengunukine mukachi, ni mijingwa yenyi yeswe yapusukile.

Yilinga 1:24

Mba alembele, ngwo, Mwene, mukwa kunyingika mbunge ja eswe, tulweze kama hakachi ka wano aali yoze hiunamutongola.

Yilinga 15:8

Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa;

A-ROMA 3:20

mumu ku yitanga ya shimbi kechi kasambisa mutu niumwe kumeso jenyi; mumu ku shimbi, chinyingi cha shili muchiza.

A-ROMA 8:27

alioze yoze wakuhengula mu mbunge, kakunyingika chize chapwa kunyonga cha Spiritu, mumu kakuhakwila asandu nikulita ni upale wa Zambi.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

1 Petulu 3:4

aiioze ukapwe mutu wa kuswama wa mbunge, ni kuzala chingunu cha Spiritu ya kushimbika ni ya kuhola, yize kumeso ja Zambi ya ndando yinene chikolo.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.