Luka 16:1 - MUKANDA USANDU WA ZAMBI 1975

¹ Iye wambile nawa kuli tumbaji twenyi ngwenyi, Kwapwile umwe pichi, wapwile ni kaselo; iye amusumine ngwo, Kanamwange yikumba ye.

Mukanda Wa Zambi 1970

¹ Yesu yambila tumbaji twenyi ngwenyi: “Umwe pichi wabwile ni kaselo kenyi. Atu yaamwambulwila ngwo: ‘Kaselo yoze kakumwanga ubite we.’

Luka 16:1 Iomraidhean Croise

Ubutukilo 15:2

Apalama yamba ngwenyi, Mwene Yehova, yika mukangwaha se ngunayi chishi mwana, mba yono Elieza wa Ndamaseku mahinga zuwo liami?

Ubutukilo 43:19

Yakundama kuli mwe kaselo ka zuwo lia José nikuhanjika nenyi ku chikolo cha zuwo.

1 Sango Ja Mianangana 28:1

David yakungulula ku Yerusaleme alemu eswe a Izalele, ni alemu a minyachi, ni tupitau twa mbunga jize avumbikile mwanangana mu ngango, ni tupitau twa tununu ni tupitau twa kulakaji, ni akwa kuyula upite weswe ni yikumba yeswe ya mwanangana, ni ana jenyi, hamwe ni yilolo ni akwa ndundo, e malunga eswe a ndundo ni hamu.

Yishima 18:9

Yoze wakwata milimo yenyi ni lwelia kapwa mwanakwo wa mukwa kwonwona.

Hosea 2:8

Kanyingikine, yami namuhele mbuto, ni vinyu, ni maji, nikumwaha prata ni oru ya kulumbama, yize o alingilile nayo Mbale.

Mateu 20:8

Muze hapwile chingoloshi, mwenya munda yamba kuli kafufuchi kenyi ngwenyi, Tambika akwa milimo, ukaafwete. Putuka kuli mukwa kusula ndo kuli atangu.

Luka 12:42

Mwene ngwenyi, Iya kevwe kaselo wamwenemwene, wa kukanyama, yoze mwene wenyi masa helu lia akwa zuwo lienyi, mukuhana njongo yo ya kulia ha mwaka wayo?

Luka 15:13

Mba kulutwe lia matangwa akepe, mwe kanuke wakungile yeswe, wakatukile akaye mu wenyi ku chifuchi kusuku, ni kuze wamwangine yikumba yenyi nikuhungumuka ni yipi.

Luka 15:30

alioze muze yono mwané heza, yoze hanapuku yikumba ye ni yikoi, hiwamushihila mwana-ngombe yoze unatoho.

Luka 16:19

Achi, kwapwile umwe pichi, iye wazalile mahina ja ufungo ni linyu lipema, nikutwama ni usehejelo ni uhenya tangwa ha tangwa.

Luka 16:2

Iye wamutambikile, wambile kuli iye ngwenyi, Acho, chika ngunevu hali yena? Lumbununa uselo we, mumu kushi kuhasa kupwa kaselo nawa.

Luka 19:20

Mukwo wejile, ngwenyi, Mwene, tala, yono lumbongo we mwenawo nafungile wa kutulikila mu chitambala.

Luka 8:3

Joana, pwo lia Kuza, kafufuchi ka Heronde, ni Suzana ni akwo anji waze amuvumbikile ni yikumba yo.

Titu 1:7

Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Tiangu (Jake) 4:3

Nwakwita aiioze kunushi kutambula, mumu nwakwita ha yipi, hanga nukachihwise ha usolo wenu.

1 Petulu 4:10

Mweswe nikulita ngwe hanatambula chawana cha vumbi, alinge nacho umwe kuli mukwo ni mukwo, ngwe tuselo apema a vumbi lieka ni lieka lia Zambi.