Luka 15:21 - MUKANDA USANDU WA ZAMBI 1975

²¹ Mba mwanenyi wambile kuli iye ngwenyi, Tata, hingunavulumuna mwilu, ni kumeso je; kuchatele nawa kunguvuluka mwané.

Mukanda Wa Zambi 1970

²¹ Mwe mwana yamwamba ngwenyi: ‘Tata, hingunavulumuna kuli Zambi ni kuli yena. Chatelele nawa kunguvuluka ngwe mwane.’

Luka 15:21 Iomraidhean Croise

Jobe 33:27

Memba kumeso ja atu ngwenyi, Navulumwine; nahengesele chize Chinalulama, alioze kangufweteselelecho.

Miaso (Masamu) 143:2

Kanda uputuka kusopesa yami kavumbi ke, mumu kumeso je niumwe mutu wa mwono masamba.

Miaso (Masamu) 51:4

Yena, yena wika, nakuvulumwine, nikulinga chuma chino chipi kumeso je. Hanga ukasambe muze muhanjika; ukatome muze mupatula.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Luka 15:20

Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.

Luka 15:22

Alioze tato wambile kuli ndungo jenyi ngwenyi, Nehenu nikawashi mazalo apema ahiana, numujike; senu kazeya ku kwoko lienyi, jikenu haku ku molu jenyi.

A-ROMA 2:4

Shina unalelesa kulumbama cha utu wenyi ni uhumikizo ni uhomboloji; ngwe kwanyingikine utu wa Zambi kuunakukoko Ulikonyeke.

1 Korintu 8:12

Chocho ha kuvulumuna mandumbu, ha kulemeka mbunge jo jilelu, munuvulumuna Kristu.