Luka 15:20 - MUKANDA USANDU WA ZAMBI 1975

²⁰ Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.

Mukanda Wa Zambi 1970

²⁰ Neye yakatuka nikuhiluka kuli tato. “Shimbu te achili kusuku, tato yamumona, yamuvwila keke, yazomboka ni kumutakana, yamulimbukila ha kota, yamushisa.

Luka 15:20 Iomraidhean Croise

Ubutukilo 33:4

Esau yazomboka nikumupatwiza, yamukwata mu moko, yalizewilaye, yamwaha mbeju, chocho alilile.

Ubutukilo 45:14

Mbenjamine yalizewilaye, yalila ha kota yenyi, ni Mbenjamine neye yalila ha kota ya José.

Ubutukilo 46:29

José iye yalulika temba lienyi, yaya kupatwiza tato Izalele ku Ngoshone. Yalisolola kuli tato, yalizewilaye, yalila ha kota yenyi shimbu lume.

2 Samuel 14:33

Mba Joabe yaya kuli mwanangana; yamulweza. Muze hasanyika Absalome iye yeza kuli mwanangana, yafulamana kumeso ja mwanangana. Mwanangana yamwaha mbeju.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Izaya 49:15

Pwo mahasa kuvulama mwana akwamwisa? Kechi kuvwila keke mwana wa mu jimo lienyi? Hanji o mavulama, hindu ami chichi kavulama yena.

Izaya 57:18

Hinamona ndako jenyi, alioze mungumuwuka. Mungumusongwela ni kumwononona ni kulembejeka, kuli iye ni kuli waze akumulilila.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Luka 15:19

kuchatele kunguvuluka nawa mwané; ngupwise kama umwe wa kuli ngamba je.

Luka 15:21

Mba mwanenyi wambile kuli iye ngwenyi, Tata, hingunavulumuna mwilu, ni kumeso je; kuchatele nawa kunguvuluka mwané.

Yilinga 2:39

Mumu kuli yenu chilakenyo kuchili, ni kuli ana jenu, ni kuli waze atwama kusuku, ni kuli waze eswe mwe Mwene Zambi yetu makatambika kuli iye.

Yilinga 20:37

O eswe alilile chikolo, nikukangayika Paulu mu moko jo amumbejele chikolo.

Efesu 2:13

Alioze haliapwila muli Kristu Yesu, yenu ha miaka ya kunyima nwapwile kusuku, hananukundamisa mumu ha manyinga ja Kristu.

Efesu 2:17

Iye wejile nikwambujola sango lipema lia sambukila kuli yenu nwapwile kusuku, ni sambukila kuli waze apwile hehi;