Luka 15:18 - MUKANDA USANDU WA ZAMBI 1975

¹⁸ Mungukatuka, munguya kuli tata, mungukamba kuli iye ngwami, Tata, hingunavulumuna mwilu ni kumeso je;

Mukanda Wa Zambi 1970

¹⁸ Mungukatuka, munguhiluka kuli tata, mungukamwamba ngwami: tata, hingunavulumuna kuli Zambi ni kuli yena.

Luka 15:18 Iomraidhean Croise

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

Miaso (Masamu) 25:11

Yehova, mumu ha jina lie ngukonekene kama uhenge wami, mumu hiwoka chikolo.

Yishima 23:13

Kanda ulitwamina kufumba mwana, mumu kechi kufwa ha kumulamba ni mbwechi.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Lungungu 3:29

akase kanwa lienyi mu fufuta— hanji meza kutalatala;

Lungungu 3:40

Twesekenu majila jetu nikwahengula tukahiluke kuli Yehova!

Daniel 4:26

Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Yona 2:4

Yingwamba ngwami, Hangumbila kumeso je; hindu mungutala nawa ku tembele ye yisandu.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Mateu 3:6

waapapachishile mu lwiji Yordau, o nikushikisa milonga yo.

Mateu 6:14

Mumu kachi yenu munukonekena atu milonga yo, kachi Tatenu wa mwilu nawa makanukonekena.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Mateu 7:11

Kachi yenu, nuli api, nunanyingika kuhana yawana yipema kuli ana jenu, Shinaho chikolo Tatenu yoze uli mu malilu mahana yuma yipema kuli waze mamwita, nyi?

Luka 11:2

Iye wambile kuli ayo ngwenyi, Muze munulemba, ambenu ngwenu, Tata yetu, uli mwilu, akalemese jina lie, wanangana we wize, upale we ulingiwe hano hashi chizechene ngwe mwilu.

Luka 15:17

Muze akwachile mana, wambile ngwenyi, Ngamba apwa haha a tata, ali ni mbolo ja kulumbama, ni yami ngunafu kuno ni zala.

Luka 15:19

kuchatele kunguvuluka nawa mwané; ngupwise kama umwe wa kuli ngamba je.

Luka 15:21

Mba mwanenyi wambile kuli iye ngwenyi, Tata, hingunavulumuna mwilu, ni kumeso je; kuchatele nawa kunguvuluka mwané.

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.