Luka 15:17 - MUKANDA USANDU WA ZAMBI 1975

¹⁷ Muze akwachile mana, wambile ngwenyi, Ngamba apwa haha a tata, ali ni mbolo ja kulumbama, ni yami ngunafu kuno ni zala.

Mukanda Wa Zambi 1970

¹⁷ Muze hakwata mana, yalihanjikisa ngwenyi: ‘Ngamba ja tata eswe kaali ni yakulia yinji, alioze yami kuno ngunafu ni zala!

Luka 15:17 Iomraidhean Croise

Miaso (Masamu) 119:59

Nanyongene ha majila jami, natalikishile yiliato yami mu Shindakenyo je.

Miaso (Masamu) 73:20

Ngwe chilota muze mutu halaula, chocho yena Mwene, ha kulaula mukalelesa kaponya ko.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Jeremia 31:19

Kulutwe lia kuhambuluka nalikonyekene. Muze te hangulongesa nalilambile ha shina lia kulu. Nevwile sonyi, nalitupiekele mumu napwile ni kusauka cha ukweze wami.

Lungungu 1:7

Ha matangwa a luyinda wenyi ni usasu wenyi, Yerusaleme kanewuluka yuma yeswe yilemu apwile nayo chize ku shakulu. Muze atu jenyi alimbukile mu kwoko lia mukwa kulimika, kukwapwile niumwe kumukwasa. Mukwa kulimika wamusehele, ni kumulenya ha kulimbuka chenyi.

Ezekiel 18:28

Mumu hanyonga, hahichika Utanguko uze weswe halinga, kashika kumakatwama ni mwono; kechi kafwa.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Luka 15:16

Iye wevwile usona wa kukuchisa jimo lienyi ni yizungu yize apwile nikulialia ngulu; alioze kamuhele niumwe.

Luka 16:23

Iye mu Heteze yahetula meso jenyi mu upinjilo, yamona Apalahama kusuku ni Lazaru mu kondo yenyi.

Luka 8:35

O atuhukile mukumona chize chapwile, ejile kuli Yesu, awanyine mutu yoze muli iye hatuhuka andemoniu, kanatwama ku yiliato ya Yesu, hazala hina, hapwa ni mana, no evwile woma.

Yilinga 12:11

Muze te Petulu halaula pundu, wambile ngwenyi, Haliapwila, ngunanyingika chamwenemwene Mwene hatuma mungelo wenyi mba hangupulula ku kwoko lia Heronde ni ku kulawoka cheswe cha atu ja A-Yunda.

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.