Luka 15:16 - MUKANDA USANDU WA ZAMBI 1975

¹⁶ Iye wevwile usona wa kukuchisa jimo lienyi ni yizungu yize apwile nikulialia ngulu; alioze kamuhele niumwe.

Mukanda Wa Zambi 1970

¹⁶ Yazanga kulia yizungu yize te akulia ngulu, alioze mutu niumwe wamuhele yo.

Luka 15:16 Iomraidhean Croise

Jobe 30:4

Kakuhela maliva ni mafwo ja yiputa; kakwota miji ya kambungo.

Miaso (Masamu) 142:4

Tala ha chindume chami, umone kukushi niumwe yoze Unangunymgika. Uchinyino nauhona. Niumwe wanyonga mwono wami, wakuhi.

Miaso (Masamu) 73:22

Mba napwile ngwe chishi mana, Chanyingikine nichimwe. Napwile ngwe kashitu kumeso je.

Izaya 44:20

Kakulia uto, mutwe wenyi wa kwongoloka hiwamupiangula; kahashile kulipulula, hanji kwamba ngwenyi, Chongo nguli nacho mu kwoko liami lia chindume.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Izaya 57:3

Alioze kundamenu enu, ana ja nganga wa pwo; enu nwasemukine kuli chitanji ni chikoi.

Lungungu 4:5

Waze alile yuma yiyema anafu mu matapalo; waze aalelele mu mahina ja ufungo kanapombo ha chichilila cha uto.

Hosea 12:1

Eframe kakulia fuji yamokomoko; kakukaula fuji ya ku Chivumbuko tangwa lieswe. Kakwokesa mahuza ni upupilo; kakulikata ni Asuria; kakutwala maji ku Engitu.

Mateu 7:6

Kanda nuhana yuma yisandu kuli tuwa, chipwe kanda numbila kakanga kenu kumeso ja ngulu kuchina hanji mamuliata ni sende jo, mba matewuluka anupapulule.

Luka 15:15

Wayile, walinungine ni umwe wa kuli enya chifuchi chize, iye wamutumine ku minda yenyi mukulisa ngulu.

Luka 15:17

Muze akwachile mana, wambile ngwenyi, Ngamba apwa haha a tata, ali ni mbolo ja kulumbama, ni yami ngunafu kuno ni zala.