Luka 15:15 - MUKANDA USANDU WA ZAMBI 1975

¹⁵ Wayile, walinungine ni umwe wa kuli enya chifuchi chize, iye wamutumine ku minda yenyi mukulisa ngulu.

Mukanda Wa Zambi 1970

¹⁵ Neye yaya, yalikata ni umwe mwenyaho. Neye yamutuma ku minda yenyi mu kufunga ngulu.

Luka 15:15 Iomraidhean Croise

2 Sango Ja Mianangana 28:22

Ha miaka ya kupinda chenyi (yono mwene mwanangana Ahaze) yatangula kuhiana shimbi ja Yehova.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 57:17

Mumu ha uhenge wa chipululu chenyi natenukine, namulambile, nafukile meso jami ni utenu, hindu wayile nikukokoloka mu jila ya mbunge yenyi mwene.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Ezekiel 16:52

Ulikoleze tuhu ni kusauka che, yena nawa, mumu hiwapwisa muhapwa upatwilo hali mwanakwenu ni yayenu mumu ha milonga ye yize yahiana ni lwaji milonga yo. O hasamba hamwe hakehe, yena wahia liakulu. Kashika ni yena nawa ivwa sonyi, likoleze tuhu ni kusauka che mumu hiwasolola mwanakwenu ni yayenu ngwe akwa ululi.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Nahume 3:6

Mungukukuwa luchisa; mungukusaula; mungukupwisa chitaletale lume.

Malaki 2:9

Kashika ngunanupwisa nwalela, nwasauka kumeso ja atu eswe, mumu kunwafungile ndako jami, alioze hinwalinga katonde ni shimbi.

Mateu 7:6

Kanda nuhana yuma yisandu kuli tuwa, chipwe kanda numbila kakanga kenu kumeso ja ngulu kuchina hanji mamuliata ni sende jo, mba matewuluka anupapulule.

Luka 15:13

Mba kulutwe lia matangwa akepe, mwe kanuke wakungile yeswe, wakatukile akaye mu wenyi ku chifuchi kusuku, ni kuze wamwangine yikumba yenyi nikuhungumuka ni yipi.

Luka 15:14

Muze te hahwisa yeswe, kwejile kapunga wa ngolo mu chifuchi chize; iye waputukile kuhona.

Luka 15:16

Iye wevwile usona wa kukuchisa jimo lienyi ni yizungu yize apwile nikulialia ngulu; alioze kamuhele niumwe.

A-ROMA 6:22

Alioze haliapwila se hinunatusuka ku shili, hinunapu ndungo ja Zambi, mihuko nuli nayo ndo ku usandu, ni songo liawo, mwono wa mutolo.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.