Luka 15:13 - MUKANDA USANDU WA ZAMBI 1975

¹³ Mba kulutwe lia matangwa akepe, mwe kanuke wakungile yeswe, wakatukile akaye mu wenyi ku chifuchi kusuku, ni kuze wamwangine yikumba yenyi nikuhungumuka ni yipi.

Mukanda Wa Zambi 1970

¹³ Muze matangwa akepe haabalika, mukweze yalanjisa Chihanda cha yikumba yenyi, yakwata jila, yaya ni mbongo jenyi ku chifuchi kusuku. Kwenako ahungumukine mu yibi nikumwanga mbongo jenyi.

Luka 15:13 Iomraidhean Croise

Miaso (Masamu) 73:27

Mumu waze ali kusuku ni yena kumakanonga. Wakwonwona waze eswe akukwehuka ngwe ni ukoi.

Yishima 18:9

Yoze wakwata milimo yenyi ni lwelia kapwa mwanakwo wa mukwa kwonwona.

Yishima 21:17

Mweswe mazanga kuheha mapwa chiswale; yoze mazanga vinyu ni maji kechi kupwa pichi.

Yishima 21:20

Mu zuwo lia mukwa mana mwatwama maji ni upite wa ndando yinene, alioze chihepuke kakuchimbulungunya.

Yishima 27:8

Mutu yoze mendangana nikuhichika kuma kwenyi kapwa ngwe kajila yoze mendangana nikuhichika chaswa chenyi.

Yishima 28:7

Mukwa kufunga shimbi kapwa mwana wa mana; alioze sepa lia yipulutu kakukolesa sonyi tato.

Yishima 29:3

Mweswe mazanga mana mawahisa tato; alioze yoze maliendela ni yikoi kanamwange upite wenyi

Yishima 6:26

mumu ha mukunda wa chikoi—pinji ya mbolo, alioze pwo lia mbala mwono ulemu anazombo.

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.

Izaya 22:13

alioze kumanyi uwahililo ni chiseke, ni kushiha ngombe ni mapanga, ni kulia yifwo ni kunwa vinyu ngwo, Tulienu, tunwenu, mumu hamene mutufwa.

Izaya 30:11

Hichikenu ye jila, hambulukenu mu chikoka; kanda twivwa nawa ha kutwala kuli mwe Musandu wa Izalele.

Izaya 56:12

Kakwamba ngwo, Tuyenu tukafupe vinyu, tukalikuchise ni kunwa chisasu; ni hamene mulipwa ngwe musono nawa, kuwaha chahiana.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 2:5

Yehova kanambe ngwenyi, Chipi chika akakenu awanyine muli yami mba hangukatuka nikuya kusuku, nikukaula yuma yamokomoko nikwalumuka amokomoko?

Mika 6:3

Atu jami, yika nanulinga? Hahi nanupinjisa? Ngukumbululenu!

Luka 15:12

mwe kanuke wambile kuli tato ngwenyi, Tata, ngwehe chihanda chami cha chihinga. Iye wapulile kuli ayo yikumba yenyi.

Luka 15:14

Muze te hahwisa yeswe, kwejile kapunga wa ngolo mu chifuchi chize; iye waputukile kuhona.

Luka 15:30

alioze muze yono mwané heza, yoze hanapuku yikumba ye ni yikoi, hiwamushihila mwana-ngombe yoze unatoho.

Luka 16:1

Iye wambile nawa kuli tumbaji twenyi ngwenyi, Kwapwile umwe pichi, wapwile ni kaselo; iye amusumine ngwo, Kanamwange yikumba ye.

Luka 16:19

Achi, kwapwile umwe pichi, iye wazalile mahina ja ufungo ni linyu lipema, nikutwama ni usehejelo ni uhenya tangwa ha tangwa.

Efesu 2:13

Alioze haliapwila muli Kristu Yesu, yenu ha miaka ya kunyima nwapwile kusuku, hananukundamisa mumu ha manyinga ja Kristu.

Efesu 2:17

Iye wejile nikwambujola sango lipema lia sambukila kuli yenu nwapwile kusuku, ni sambukila kuli waze apwile hehi;

2 Petulu 2:13

Kakuchinyonga chiseke kuhungumuka ni yipi ha mwalwa, yipeka ni tupalia, kanahungumuka mu yongo yo shimbu akuliangana ku yiteleka hamwe ni yenu.