Luka 14:26 - MUKANDA USANDU WA ZAMBI 1975

²⁶ Kachi mutu meza kuli yami, keshi kuvwila kole tato, ni naye, ni mukwo-pwo, ni anenyi, ni ayayo, ni ana-akwo, ni mandumbu jenyi, ewa, ni mwono wenyi mwene nawa, kahashile kupwa kambaji kami.

Mukanda Wa Zambi 1970

²⁶ “Yoze meza kuli yami kahashile kubwa kambaji kami, nyi keshi kuvutwokela tato, ni naye, ni pwo lienyi, ni ana jenyi, ni ana akwo, ni mandumbu jenyi, chibwe ni we mwono wenyi.

Luka 14:26 Iomraidhean Croise

Miaso (Masamu) 139:22

Nakwavwila kole yahiana. Nakwanyonga ngwami, Akwa kole jami.

Kwalula 10:30

Mwe Hobabe yamba kuli iye ngwenyi, Chichi i kuyako. Munguya ku chifuchi chami mwene ni kuli usoko wami.

Mateu 10:37

Yoze mafwila tato hanji naye kuhiana yami, kangutelele; yoze mafwila mwanenyi wa lunga, hanji mwanenyi wa pwo kuhiana yami, kangutelele.

Luka 14:20

Mukwo ngwenyi, Hinambata pwo, kashika Chahashile kwiza.

Luka 14:25

Mbunga jinene ayile hamwe nenyi, iye watewulukile, wambile kuli ayo ngwenyi,

Yoano 12:25

Yoze mazanga mwono wenyi, mautokesa; ni yoze mavwila kole mwono wenyi hano hashi, kumakaufungu ku mwono wa mutolo.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

A-ROMA 9:13

Ngwe chinasonewa ngwo, Hingunazange Yakomba, alioze hingunavwila kole Esau.

Shimbi 21:15

Kachi lunga uli ni mapwo aali, anazange umwe, anavwila kole umwe, kachi hamusemena ana, eswe ni aali, ni yoze iye anamuzange ni yoze iye anamuvwila kole, hanji mukulwana mapwa wa yoze anamuvwila kole,

Shimbi 33:9

Yoze te wambile ha kutwala kuli tato ni naye ngwenyi, Chaasele mbunge. Katayijile usoko wenyi. Katalile kuli ana jenyi. Mumu wafungile liji lie, katangwile usendo we.

Filipu 3:8

Ewa, chamwenemwene nakunyonga nawa yuma yeswe kupwa ngwe kufulwa ha ulemu wa yinyingi ya Kristu Yesu, Mwene wami; hali iye natokesele yuma yeswe, nakuyinyonga yiswaswa lume, hanga ngukazuke Kristu,

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.