Luka 14:13 - MUKANDA USANDU WA ZAMBI 1975

¹³ Alioze muze yena mulinga chiteleka, lakenya yiswale, ni yitonji, ni yilema, ni tupuputa:

Mukanda Wa Zambi 1970

¹³ Alioze muze muulinga chiteleka, lakenya yiswale, ni yitonji, ni yilema, ni tupuputa.

Luka 14:13 Iomraidhean Croise

2 Samuel 6:19

Yapangila hakachi ka atu eswe, ye mbunga yeswe ya A-Izalele, ni malunga ni mapwo, kuli mweswe mbolo yimuwika, ni chihanda cha yifwo, ni chandanda cha uva jomu. Mba atu eswe yaya, mutu ku zuwo lienyi, mutu ku zuwo lienyi.

2 Sango Ja Mianangana 30:24

Mumu Hezekia mwanangana wa Yunda yahana kuli akwa chikungulwila kanunu ka kuji a ngombe, ni tununu shimbiali a mapanga aalambule. Ni alemu yahana kuli akwa chikungulwila kanunu ka kuji a ngombe ni kumi lia tununu twa mapanga, ni asasendote anji aliselele ku usandu.

Nehemia 8:10

Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Nehemia 8:12

Mba atu eswe yaya akalie, akanwe, akatume yawana, akalikwize chikolo mumu maliji aze haambulwila yaalumbunuka.

Jobe 29:13

Yoze wambile kunonga wanguchichimiekene; mbunge ya tuliwa yembile ni uwahililo ha mukunda wa yami.

Yishima 14:31

Wapinjisa yiswale wasaula Tangi yenyi; alioze mukwa kuvwila keke yiswale kakumulemesa.

Yishima 22:9

Yoze uli ni liso lia chihanyi mamuwahisa, mumu kakuhana kulia chenyi kuli yiswale.

Izaya 58:10

nyi munukalizukula kuli akwa zala, ni kuyukisa akwa lamba, henaho pangu lienu mulikavumbuka mu milima, ni milima yenu muyipwa ngwe tangwa ha muchima.

Izaya 58:7

Ngwami, Kupangila kulia chenu ni akwa zala, kuneha mu mazuwo jenu yiswale waze keshi zuwo. Muze munumona yoze keshi mazalo numufuke, kanda nuswama kuli mutu ni mukwenu.

Mateu 15:30

Mbunga jinene ejile kuli iye, anehene yilema, ni tupuputa, ni tumama, ni yitonji, ni akwo anji, alipupwishile kwatumbika ku yiliato ya Yesu; neye waawukile;

Mateu 22:10

Ni waze ndungo atuhukile ku majila, akungulwile waze eswe awanyine, ni yingulungulu ni apema, ni zuwo lia ulungi liazalile tò ni ngeji.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Luka 14:12

Iye wambile kuli yoze nawa wamulakenyene ngwenyi, Muze yena mulinga kulia, hanji chiteleka, kanda ukalakenya tusendo twe, chipwe ana-akwenu, chipwe ayayenu, chipwe usoko we, chipwe enyembo a pichi, kuchina hanji makulakenya tangwa likwo, akakukundululecho.

Luka 14:14

mba kumukawaha, mumu o keshi nayo yize ya kukukundulula; mumu mukachitambula ha uhindukiol wa akwa ululi.

Luka 14:21

Yoze ndungo wayile akambulule yino yuma kuli mwene wenyi. Hohene mwenya zuwo nikutenuka chikolo wambile kuli ndungo yenyi ngwenyi, Tuhuka nikawashi, uye ku matapalo ni mikombwelo ya mu limbo, ukanehe muno yiswale, ni yitonji, ni yilema, ni tupuputa.

Yilinga 9:39

Petulu wakatukile, wayile hamwe no. Muze ahetele, amukandwishile ku chipatulo cha kwilu: ni twamishi ja mapwo amanyine hehi nenyi nikulila, nikulweza yikuto ni mahina aze aatongelele Kai, shimbu apwile hamwe no.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Shimbi 16:14

Nuwahilile ku chiwanyino chenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi, ni njize, ni shiwa, ni twamishi ali mu yihunda yenu.

1 Timoteu 3:2

Chatamba kashika kalayi akapwe keshi kapalia, lunga wa pwo umuwika, mukwa kukeyela, mukwa mana, mukwa kulita ha yilinga yenyi, mukwa kuzumbula ngeji, mukwa kujama ha kulongesa;

1 Timoteu 5:10

kanamushindakenya ha yitanga yipema; kachi hanalele ana kachi hanazumbula ngeji, kachi hanasanyisa yiliato ya asandu, kachi hanakwasa akwa kuyindama, kachi hanakaula yitanga yeswe yipema.

Titu 1:8

aiioze mukwa kuzumbula ngeji, mukwa kufwila yipema, mukwa mana, mukwa ululi, musandu, mukwa kusúla;

Filemu 1:7

Mumu uwahililo wunji ni kulembejeka nguli nacho mumu ha zango lie ndumbwami, mumu wakuhuzulula mbunge ja asandu.

Hebreu 13:2

Kanda nuvulama kuzumbula ngeji: mumu ha kulinga chocho amwe hanazumbula angelo, kumanyi kachinyingikine.