Luka 13:8 - MUKANDA USANDU WA ZAMBI 1975

⁸ Iye wamukumbulwile ngwenyi, Mwene, weche kama mwakono nawa ndo mungukauchipula, ngukase pinga:

Mukanda Wa Zambi 1970

⁸ Alioze njimi yamukumbulula ngwenyi: ‘Mwata, achi weche kama nawa mwaka uno. Mungufula wina mu sesa ni kusa mo pinga.

Luka 13:8 Iomraidhean Croise

Miaso (Masamu) 106:23

Kashika wambile kwaonwona kachi Mose yoze wamutongwele kamanyine kumeso jenyi mu chituwa akatewulule ufwatulo wenyi kuchina akaenyeke.

Kutuhuka 34:9

Ngwenyi, Mwene kachi haliapwila hinawana vumbi kumeso je, ngunakulembe, Mwene ukaye hakachi ketu, mumu o kapwa akwa pami. Utukonekene uhenge ni shili yetu. Utuzuke kama tukapwe chihinga che.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 18:20

Kakufweta chipema ni chipi? Hindu hanangufulila wumbu anguchize mwono wami. Iwuluka chize namanyine kumeso je ni kwahakwila, ngukatewulule ufwatulo we kuli ayo.

Joele 2:17

Asasendote, tuvumbi twa Yehova, akalilime hakachi ka chikolo ni chilumbilo, nikwamba ngwo, Yehova, vwila keke atu je. Kanda uhana chihinga che chikasauke hanga akwa mavungu akachiyule. Muchiwaha akambe hakachi ka mavungu ngwo, Zambi yo kulihi ali?

Luka 13:7

Iye wambile kuli njimi ngwenyi, Tala, miaka yitatu nguneza nikufupa mihuko ha mukuyu uno ni chishi kuyiwana niyimwe: upakule hashi, kuchi te unasekesa mavu?

Luka 13:9

nyi kachi muukema mihuko, chipema; nyi kachi ka, kulutwe lia chize ukaupakule hashi.

Luka 14:35

Kuwatelele chipwe hashi, chipwe pinga: maumbila haze. Yoze uli ni matwi a kwivwa, evwe.

A-ROMA 10:1

Mandumbu, che kuzanga cha mbunge yami, ni kuliumba chami kuli Zambi hali ayo, hanga akaalamwine.

A-ROMA 11:14

kachi hanji ngukehie ku ukwa waze a ku musunya wami, ngukalamwine amwe a kuli ayo.

2 Petulu 3:9

Mwene keshi kuvumiwa ni chilakenyo chenyi, ngwe amwe akunyonga kupwa kuvuma; aiioze iye chihomboloji kuli yenu, se kazangile niumwe kutoka, aiioze eswe alikonyeke.